بيىل تىركەلۋ تارتىبىنە وزگەرىس ەنگىزىلىپ وتىر.
قازاقستاندا ۇلتتىق ءبىرىڭعاي تەستىلەۋگە تىركەلۋ باستالدى، دەپ حابارلايدى Almaty-akshamy.kz. Sputnik قازاقستان.-كە سىلتەمە جاساپ.
تەست ورتالىعىنىڭ ديرەكتورى رۋسلان ەمەلبايەۆتىڭ ايتۋىنشا، بيىل تىركەلۋ تارتىبىنە وزگەرىس ەنگىزىلىپ وتىر. بۇرىن تالاپكەرلەر تەست تاپسىرۋعا بىردەن ەكى مۇمكىندىككە تىركەلسە، وسى جولى ءاربىر تىركەلۋدىڭ ءوز كەزەڭى بولادى.
«بيىل 28 ءساۋىر مەن 6 مامىر ارالىعىندا ءبىرىنشى مۇمكىندىككە تىركەلەدى. ال 6-14 مامىر ارالىعىندا ەكىنشى مۇمكىندىك بەرىلەدى. وسىلايشا، تالاپكەرلەر ۇبت-نى ەكى رەت تاپسىرا الادى. بيىلعى تۇلەكتەر ءۇشىن تەگىن، ال بىلتىرعى تۇلەكتەر تەستتى اقىلى تۇردە تاپسىرادى»، - دەيدى ەمەلبايەۆ.
بىرىنشىدەن، تەستتەردىڭ مازمۇنى قايتا قارالادى. سونىڭ ارقاسىندا وقۋشىنىڭ ۇبت-عا قانشالىقتى دايىندالعانى، سونداي-اق ءبىلىم ساپاسى انىقتالادى.
ەكىنشىدەن، ۇلتتىق ءبىرىڭعاي تەستىلەۋدى IELTS نەمەسە TOEFL سياقتى بىلىكتىلىك دەڭگەيىن راستايتىن كۋالىك دەڭگەيىنە دەيىن كوتەرۋ جوسپارلانىپ وتىر.