ەلوردادا جوعارى سىنىپ وقۋشىلارى اراسىندا QazAstroShift العاشقى زىمىران قۇراستىرۋ رەسپۋبليكالىق ءتۋرنيرىنىڭ فينالى ءوتتى.
ەلىمىزدىڭ تۇكپىر-تۇكپىرىنەن ءۇش ونلاين كەزەڭنەن وتكەن جانە ۇزدىك ناتيجەلەر كورسەتكەن جاس ينجەنەرلەر ءوز زىمىراندارىن ۇشىرۋ ءۇشىن «قازاقستان عارىش ساپارى» ۇلتتىق عارىش ورتالىعىندا جينالادى.
تۋرنير جەڭىمپازدارى AITU جانە قبتۋ-دا وقۋ گرانتتارىن، ۇلتتىق عارىش ورتالىعىندا تاعىلىمدامادان ءوتۋ مۇمكىندىگىن جانە قۇندى سىيلىقتاردى جەڭىپ الادى.
ءىس-شارادا قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين، عىلىم جانە جوعارى ءبىلىم ءمينيسترى ساياسات نۇربەك، NASA حالىقارالىق بايقاۋىنىڭ جەڭىمپازى ابىلبەك رايىمبەك جانە باسقا دا قۇرمەتتى قوناقتار ءسوز سويلەدى. ءتۋرنيردىڭ جەڭىمپازدارىن ءادىلقازىلار القاسى 27 شىلدە كۇنى حابارلايدى.
ايتا كەتۋ كەرەك، ءتۋرنيردىڭ دەمەۋشىلەرى: Fortebank، يۋنەسكو ىستەرى جونىندەگى ق ر ۇلتتىق كوميسسياسى، مارۆين، USTEM Robotics، رفمم، Mergen Media، EPAM Kazakhstan، AITU، قبتۋ.
