حودجانوۆ كوشەسىنىڭ شىعىسىنداعى ەكسپەريمەنتالنايا كوشەسىنىڭ سولتۇستىگىندە ورنالاسقان ءتورت قاباتتى اكىمشىلىك عيمارات كوپتەگەن زاڭبۇزۋشىلىقتار ءۇشىن بۇزىلدى.
نىسان جوبانىڭ ساراپتاماسىنسىز سالىندى، سونىمەن قاتار بەكىتىلگەن باس جوسپاردان اۋىتقۋلار تىركەلدى.
سوت تالاپتى العاش رەت بوستاندىق اۋداندىق سوتىنا 2020 جىلدىڭ 6 ناۋرىزىندا جىبەردى. سوت شەشىمىمەن تالاپ ارىز قاناعاتتاندىرىلدى، الايدا 3 جىلدان استام ۋاقىت بويى اپەللياسيالىق شاعىمدار مەن ءىستىڭ جاڭا جاعدايلارىنا بايلانىستى سوت تالقىلاۋى جالعاستى.
2021 جىلعى 13 مامىردا مەملەكەتتىك سوت ورىنداۋشىسى مەنشىك يەسىنە سوت شەشىمىنىڭ ەرىكتى تۇردە ورىندالۋى تۋرالى حابارلاما جىبەردى، الايدا مەنشىك يەسى جەر ۋچاسكەسىن ساتتى، وسىعان بايلانىستى شەشىم ورىندالماي قايتارىلدى.
الماتى قالاسى قالا قۇرىلىسىن باقىلاۋ باسقارماسى جەر ۋچاسكەسىن ساتىپ-الۋ شارتىن جارامسىز دەپ تانۋ تۋرالى تالاپ ارىز بەرۋگە باستاماشىلىق جاسادى. 2022 جىلعى 27 قاڭتارداعى سوت شەشىمىمەن مامىلە جارامسىز دەپ تانىلدى، الماتى قالالىق سوتىنىڭ 2022 جىلعى 27 ساۋىردەگى قاۋلىسىمەن شەشىم وزگەرىسسىز قالدى.
بۇزۋ كۇنى تاعايىندالعاننان كەيىن سوت ورىنداۋشىسىنىڭ ارەكەتتەرىنە شاعىم جاسالدى جانە ءۇشىنشى تۇلعا بۇزۋ تۋرالى شەشىمگە الماتى قالالىق سوتىنا اپەللياسيالىق شاعىم بەردى.
الماتى قالالىق سوتىنىڭ قاۋلىسىمەن اپەللياسيالىق شاعىم قاناعاتتاندىرۋسىز قالدىرىلدى، ءبىراق كەيىن ول جوعارعى سوتتا قارالدى. جوعارعى سوتتىڭ قاۋلىسىمەن كاسساسيالىق شاعىمدى قاراۋدان باس تارتىلدى، سودان كەيىن سوت ورىنداۋشىسى بۇزۋ كۇنىن بەلگىلەدى.
وسىلايشا، نىساندى ماجبۇرلەپ بۇزۋ بۇگىن، 2023 جىلدىڭ 26 شىلدەسىندە باستالدى.