دەنەدە ماڭىزدى نارسە جەتىسپەسە، ول بەلگىلى ءبىر فۋنكسيالاردى وشىرە باستايدى جانە جاعداي جاقسارعانشا باسقالارىن ازايتادى. دەنەنىڭ بۇعان قالاي ارەكەت ەتەتىنىنە قاراپ، سىزدە بەلگىلى ءبىر ۆيتامين نەمەسە مينەرالدىڭ جەتىسپەۋشىلىگى بار-جوعىن انىقتاۋعا بولادى.
قانداي بەلگىلەر بويىنشا دارۋمەندەردىڭ تاپشىلىعىن ءوز بەتىنشە انىقتاۋعا بولادى، دەدى الماتى قالاسىنىڭ No11 قالالىق ەمحاناسىنىڭ جالپى تاجىريبەلىك دارىگەرى ەرعالي قۇرماشيەۆ.
ۆيتامين تاپشىلىعىن قالاي انىقتاۋعا بولادى
شاشتىڭ ءتۇسۋى – تەمىر، مىرىش تاپشىلىعى
اياقتىڭ قىسىلۋى - ماگنيي جەتىسپەۋشىلىگى
قۇرعاق تەرى - ا جانە ە ۆيتاميندەرىنىڭ تاپشىلىعى
قاتتى شارشاۋ – تەمىردىڭ، D ءۆيتامينىنىڭ تاپشىلىعى
دەنەنىڭ وتە وڭاي كوگەرۋى، كىشكەنتاي جارالاردان كقبىرەك قان كەتۋى - ك جانە س
ۆيتامين جەتىسپەۋشىلىگى
ءجيى سۋىق تيۋ – مىرىشتىڭ، س جانە د ۆيتاميندەرىنىڭ جەتىسپەۋشىلىگى
تىرناقتارداعى اق داقتار - مىرىش تاپشىلىعى
تومەن سۇيەك تىعىزدىعى، ساپاسىز تىستەر – س ءۆيتامينى جانە كالسيي تاپشىلىعى
سەزىمتىكتى جوعالتۋ، ۇيقىشىلدىق، اياق-قولداردىڭ قىشۋى - ۆ12 ءۆيتامينىنىڭ جەتىسپەۋشىلىگى
تەرى پيگمەنتاسياسىنىڭ بۇزىلۋى (دەنەدە داقتاردىڭ پايدا بولۋى) - مىس تاپشىلىعى
قابىرشاق تەرى - اقۋىز، كوللاگەن، س ءۆيتامينىنىڭ جەتىسپەۋشىلىگى
اۋىز جيەگىنىڭ اعارۋى - ۆ2 ءۆيتامينىنىڭ جەتىسپەۋشىلىگى
«وسى بەلگىلەردى بايقاعان جاندار ءوزى تىركەلگەن ەمحاناداعى دارىگەرگە بارىپ، ۆيتامين تاپشىلىعىن راستاي الادى. بۇل كەز كەلگەن اۋرۋدىڭ الدىن الۋعا مۇمكىندىك بەرەدى. قانداي دا ءبىر بەلگىلەر پايدا بولعان جاعدايدا ساقتاندىرىلعان ناۋقاستار ءامسق پاكەتىندە قاجەتتى تالداۋلاردى تاپسىرىپ، تەكسەرىلۋدەن وتە الادى»، - دەپ ءتۇسىندىردى دارىگەر.