2021 جىلى نەكەگە تۇرعان قازاقستاندىقتاردىڭ سانى 2020 جىلمەن سالىستىرعاندا 8،9%-عا ءوستى، دەپ حابارلايدى اlmaty-akshamy.kz قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنا سىلتەمە جاساپ.
وتكەن جىلى رەسمي تۇردە 140،3 مىڭ نەكە تىركەلدى. وڭىرلەر بولىنىسىندە وتباسىن قۇرعانداردىڭ باسىم بولىگى نۇر-سۇلتان قالاسىندا (1000 ادامعا 10،10)، ودان كەيىن الماتى قالاسىندا (1000 ادامعا 9،40) جانە اتىراۋ وبلىسىندا (1000 ادامعا 7،86). قيىلعان نەكەنىڭ ەڭ از سانى قوستاناي وبلىسىندا (1000 ادامعا 6،24). العاش رەت نەكەگە تۇرعانداردىڭ ورتاشا جاسى ەرلەر اراسىندا 27،9 بولسا، ايەلدەر اراسىندا 25،2 جاس.
سونىمەن قاتار بۇرىن اجىراسقان 25 مىڭ ەر ادام جانە 22 مىڭ ايەل بىلتىر قايتادان نەكەگە تۇرعان. قازاقستاندىقتار ۇيلەنۋ ءۇشىن شىلدە، تامىز جانە قىركۇيەك سياقتى تانىمال ايلاردان بولەك، بىلتىر ناۋرىزدى دا كوپ تاڭداعان، ول كەزدە 12 مىڭ وتباسى تىركەلدى.
نەكەلەردىڭ 70،9%-دان استامى قالا تۇرعىندارى اراسىندا قيىلعان.