جەلتوقسان ايىندا پاتەرلەر قۇنى بىردەن 3-4 ميللون تەڭگەگە ارتقان
ساراپشىلار بۇل شارىقتاۋ كەلەسى جىلى دا جالعاساتىنىن ايتادى، دەپ حابارلايدى Almaty-akshamy.kz informburo-عا سىلتەمە جاساپ.
بولجام بويىنشا، نارىقتاعى دۇرلىگۋ ساۋىرگە دەيىن ساقتالادى. سەبەبى قازاقستاندىقتار زەينەتاقى قورىنداعى «جەتكىلىكتى شەكتەن» اسقان اقشاسىن الۋعا اسىق. ءبىراق ەكونوم ساناتىنا جاتاتىن پاتەرلەرگە سۇرانىس كوپ بولعانىمەن، ساتىپ الۋشى از.
Krisha.kz ساراپشىلارىنىڭ ايتۋىنشا، اسىرەسە نۇر-سۇلتان، الماتى، شىمكەنت، قاراعاندىدا باعا كۇرت وسكەن. نۇر-سۇلتاندا پاتەرلەردىڭ شارشى مەترىنىڭ باعاسى ءبىر ايدىڭ ىشىندە 3،9%-عا كوتەرىلگەن. الماتىدا باسپانا 3،2%-عا، شىمكەنتتە 2،0%-عا قىمباتتاسا، قاراعاندىدا 2،2%-عا شارىقتاعان.
«Krisha-دا باسپاناعا سۇرانىس سوڭعى ءبىر اپتانىڭ ىشىندە 40 پايىزعا ءوستى. بۇل رەكوردتىق كورسەتكىش. جالپى تۇرعىن ءۇي باعاسىنىڭ كوتەرىلۋىنە تەك زەينەتاقىعا قاتىستى قاربالاس عانا ەمەس، قۇرىلىس ماتريالداردىڭ قىمباتتاۋى دا اسەر ەتىپ جاتىر»، – دەيدى سەرۆيس شولۋشىسى الينا بۋراۆسيەۆا.
ال قۇرىلىس كومپانيالارىنىڭ ماماندارى جاڭا جىلدا جاڭا ۇيلەردىڭ باعاسى قىمباتتايتىنىن ايتادى. سايكەسىنشە، ەسكى ۇيلەردىڭ دە قۇنى كوتەرىلمەك. ءقازىر ەلدە ەڭ قىمبات پاتەرلەر الماتىدا. شارشى مەترى ورتاشا ەسەپپەن 600 مىڭ تەڭگە. ال ەكىنشى ورىندا نۇر-سۇلتان. شارشى مەترىنىڭ ورتاشا قۇنى – 400 مىڭ تەڭگە.
زەينەتاقى جيناعىنداعى شەكتى مولشەر كوتەرىلەدى دەگەلى قازاقستاننىڭ بارلىق وڭىرىندە تۇرعىن ءۇي باعاسى قىمباتتادى. ماسەلەن، اقتوبەدە دە ريەلتورلاردىڭ جۇمىسى جاندانا تۇسكەن. ولار وڭىردە باسپانا باعاسىنىڭ جالپى جىل باسىنان بەرى 15-20 پايىزعا وسكەنىن ايتادى. دەگەنمەن ماماندار باعانىڭ شارىقتاۋىنا تەك بۇل وزگەرىستەر عانا ەمەس، كۇندە قۇبىلعان دوللاردىڭ دا قۇنى قاتتى اسەر ەتتى دەيدى. ساراپشىلار جىلجىمايتىن مۇلىك قۇنى جاڭا جىلدان باستاپ تاعى 15 پايىزعا دەيىن قىمباتتايدى دەپ بولجاپ وتىر.
«جاڭا جىلدان باستاپ ەكى ەسەگە قىمباتتايدى. ول جىل سايىن قايتالاناتىن جاعداي. مىسالعا ءقازىر 3-4 جىل بۇرىنعى باعا جوق. ءبىر جىل بۇرىنعى باعا دا جوق. ءقازىر 2-3 ەسەگە، پريمەرنو 20-30 پايىزعا قىمباتتادى»، – دەيدى ريەلتور اقمارال ابىلتايەۆا.