ەلوردادا ال-فارابيگە ەسكەرتكىش ورناتىلدى

عۇلاما ءمۇسىنى قولا مەن گرانيتتەن جاسالعان، بيىكتىگى – 9،5 مەتر.

ەلوردادا ءابۋ ناسىر ءال-فارابي اتىنداعى وقۋشىلار سارايىنىڭ الدىندا ۇلى عۇلاماعا ەسكەرتكىش ورناتىلدى، دەپ حابارلايدى Almaty-akshamy.kz

اۆتورلىق توپ قۇرامىندا مۇسىنشىلەر ا. بۇركىتبايەۆ، د. سارباسوۆ، ق. بەگۋلييەۆ، ا. توقبايەۆ جانە د. ۇسەنبايەۆ بار.

ەسكەرتكىشتىڭ اشىلۋىنا قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەربايەۆ ارنايى قاتىستى.

«قۇرمەتتى زيالى قاۋىم! ۇلى ويشىل عۇلاما، اريستوتەلدەن كەيىنگى عالامداعى ەكىنشى ۇستاز اتانعان ءال-فارابي – ءبىزدىڭ عانا ەمەس، تۇتاس ادامزاتتىڭ باعىنا بىتكەن تۇلعا. عىلىمنىڭ سان سالاسىن جەتىك مەڭگەرگەن فيلوسوف مەتافيزيكا، ەپيستەمولوگيا، ەستەتولوگيا، ەتيكا، فيزيكا، استرولوگيا، پسيحولوگيا مەن مۋزىكا سالالارىنىڭ تەوريالىق نەگىزىن قالاعان ەنسيكلوپەدياشى عالىم. ونىڭ جازعان ەڭبەكتەرى ح عاسىردان بۇگىنگە دەيىن ماڭىزدىلىعىن جويعان جوق. ءال-فارابي - ورتاعاسىرلىق اعارتۋ كەزەڭىندەگى شىعىس پەن باتىستاعى اقىل-وي الىپتارىنىڭ ءبىرى ءارى ەڭبەكتەرى بۇكىل الەمگە تاراعان ويشىل»، - دەدى مەملەكەتتىك حاتشى ەسكەرتكىشتىڭ سالتاناتتى اشىلۋىندا.