بۇل قۇقىقبۇزۋشىلىقتاردىڭ باسىم بولىگى الماتى قالاسىندا تىركەلگەن.
2021 جىلدىڭ قاڭتار-قازان ايلارىندا ەلىمىزدە «الاياقتىق» بابى بويىنشا 34،8 مىڭ قىلمىستىق قۇقىقبۇزۋشىلىق تىركەلدى. بۇل وتكەن جىلمەن سالىستىرعاندا 28،7%-عا ارتىق، دەپ حابارلايدى Almaty-akshamy.kz Finprom.kz سايتىنا سىلتەمە جاساپ.
2020 جىلدىڭ وسى كەزەڭىندە ەلىمىزدە 27 مىڭ وسىنداي قۇقىقبۇزۋشىلىق تىركەلگەن.
بۇل قۇقىقبۇزۋشىلىقتاردىڭ باسىم بولىگى الماتى قالاسىندا تىركەلگەن: 7،2 مىڭ وقيعا – ءبىر جىل بۇرىنعىدان 27،9%-عا كوپ. الاياعى كوپ قالانىڭ قاتارىندا نۇر-سۇلتان (5،2 مىڭ ءىس، پليۋس 49،6%) مەن شىمكەنت (3،2 مىڭ ءىس، + 11،5%) تە بار.
«الاياقتىق» بابى بويىنشا ەڭ از قۇقىق بۇزۋشىلىق قىزىلوردا وبلىسىندا تىركەلدى: 599 وقيعا – بۇل ءبىر جىل بۇرىنعىدان 8،5%-عا ارتىق.
تىركەلگەن مۇنداي قۇقىق بۇزۋشىلىقتاردىڭ جالپى سانى 18 مىڭعا جۋىق، ونىڭ ىشىندە: ينتەرنەت-الاياقتىق، 294 فاكت – تولەم كارتوچكالارىن پايدالانۋ، 116 ءىس – قارىز قاراجاتىن الۋ، 70 ءىس – نەسيە بەرۋ سالاسىنداعى قۇقىقبۇزۋشىلىق، 6 ءىس – جەر قاتىناستارى سالاسىنداعى الاياقتىق بويىنشا، 5 ءىس – جىلجىمايتىن مۇلىككە قاتىستى قۇقىقبۇزۋشىلىقتار بويىنشا.
جىل باسىنان بەرى الاياقتىق ارەكەتتەردەن كەلتىرىلگەن زالالدىڭ سوماسى 50،9 ملرد تەڭگەنى قۇرادى، ونىڭ ىشىندە جەكە تۇلعالارعا 38 ملرد تەڭگە، مەملەكەتكە 8،5 ملرد تەڭگە، زاڭدى تۇلعالارعا 4،3 ملرد تەڭگە زالال كەلتىرىلگەن.
2021 جىلدىڭ قاڭتار-قازان ايلارىنىڭ سوڭىندا الاياقتىق جاساعان 4،9 مىڭ ادام تىركەلدى، بۇل ءبىر جىل بۇرىنعىدان 13،2%-عا از. ولاردىڭ ىشىندە 4 مىڭ جۇمىسسىز، 127 جۇمىسشى، 122 مەملەكەتتىك قىزمەتكەر، 109 جەكە كاسىپكەر، 40 ستۋدەنت، 10 اسكەري قىزمەتكەر بولدى.