ەلوردا مەن الماتى باعىتىندا پويىزدار قاتىناي باستايدى

بۇگىن الماتى مەن نۇر-سۇلتان قالالارى اراسىندا تاعى ءتورت قوسىمشا كوممەرسيالىق پويىز ىسكە قوسىلادى

بۇگىن ەلوردانىڭ نۇر-سۇلتان-1 ستانساسىنان № 204/203 پويىزى الماتىعا ساعات 18.55-تە جونەلتىلەدى، دەپ حابارلايدى Almaty-akshamy.kz «جولاۋشىلار تاسىمالى» اق-نىڭ باسپا ءسوز قىزمەتىنە سىلتەمە جاساپ.

پويىز الماتىعا ەرتەڭ (11 قاڭتار) ساعات 16.31-دە كەلەدى. سونداي-اق، بۇگىن نۇر-سۇلتان-1 ستانساسىنان الماتى-2 ستانساسىنا دەيىن №220/219 پويىزى ساعات 19.40-تا جونەلتىلەدى.

پويىز الماتىعا ەرتەڭ (11 قاڭتار) ساعات 18.25-تە كەلەدى. بۇگىن الماتىدان ەلورداعا قاراي ەكى كوممەرسيالىق پويىز جولعا شىعادى.

«الماتى-2 – نۇر-سۇلتان نۇرلى جول» باعىتىنداعى №207/208 پويىزى (تالگو) الماتى-2 ستانساسىنان 19 ساعات 20 مينۋتتا جولعا شىعادى.

«الماتى-2 – نۇر-سۇلتان-1» باعىتىنداعى №205/206 پويىزى 22 ساعات 25 مينۋتتا جونەلتىلەدى. پويىز ەلورداعا ەرتەڭ 19 ساعات 13 مينۋتتا كەلەدى.

ءدال وسى پويىز الماتىعا 11 قاڭتاردا 23 ساعات 43 مينۋتتا جونەلتىلەدى. "جولاۋشىلار تاسىمالى" كومپانياسىنىڭ مالىمدەۋىنشە، ەلىمىزدە پويىزداردىڭ قوزعالىسى قالپىنا كەلتىرىلگەن. بارلىق جولاۋشىلار پويىزدارى كەستە بويىنشا جۇرەدى.