8 قاڭتاردان باستاپ الماتى قالاسى مەن الماتى وبلىسىندا ۇقك، ىشكى ىستەر جانە قورعانىس مينيسترلىكتەرى مەن ۇلتتىق ۇلاننىڭ ارنايى بولىمشەلەرىنەن قۇرالعان كۇش 675 كۇدىكتىنى ۇستادى
بۇل جايىندا ۇلتتىق قاۋىپسىزدىك كوميتەتى رەسمي مالىمەت تاراتتى، دەپ حابارلايدى Almaty-akshamy.kz
جەكە باسىن تەكسەرۋ جانە اۆتوموبيلدەر مەن ءۇي-جايلاردى ءتىنتۋ بارىسىندا دەمونسترانتتاردىڭ پوليسيادان تارتىپ العان قارۋ-جاراقتار، وق-دارىلەر، قۇقىق قورعاۋ ورگاندارى قىزمەتكەرلەرىنىڭ جالعان قۇجاتتارى، ولىمگە اكەپ سوقتىرمايتىن قۇرالدار (جارىق-دىبىستىق گراناتالار، شلەمدەر، قالقاندار، امۋنيسيا) جانە تونالعان مۇلىكتەر (تۇرمىستىق تەحنيكا، ءموبيلدى قۇرىلعىلار، كيىم جانە باسقالار) تابىلىپ جاتىر.
«بارلىق ازاماتتاردى قۇقىق قورعاۋ جانە ارنايى ورگاندارعا قۇقىقتىق ءتارتىپتى تۇراقتاندىرۋ مەن قالپىنا كەلتىرۋدە كومەك كورسەتۋگە شاقىرامىز»، - دەپ ەسكەرتەدى كوميتەت.