جولاۋشى تاسىمالداۋعا 500-دەن استام قوعامدىق كولىك شىعادى
بۇل تۋرالى قالالىق موبيلدىلىك باسقارماسىنىڭ ماماندارى مالىمدەدى، دەپ حابارلايدى Almaty-akshamy.kz حابار 24 سايتىنا سىلتەمە جاساپ
«شۇعىلا»، «قايرات»، «جاس قانات» شاعىناۋداندارىندا دا قوعامدىق قاتىناس قالپىنا كەلەدى.
اۆتوبۋستار تاڭعى 7:45-تەن كەشكى 20.00-گە دەيىن 20-30 مينۋت سايىن جۇرەدى. بۇگىن 11 باعىت بويىنشا اۆتوبۋستار جولعا شىققان ەدى. دەگەنمەن جولاۋشى كوپ ەمەس.
ازىرگە قالا سىرتىنا قوعامدىق كولىك بارمايدى. بۇلىككە دەيىن تۇرعىندارعا 2 مىڭعا جۋىق اۆتوبۋس قىزمەت كورسەتىپ كەلگەن.
«قالادان شىققان باعىتقا بارمايمىز. قاسكەلەڭ، قاپشاعاي، تالعار، يليسكيي تراكت جۇرمەيمىز. قالا ىشىندەگى الاتاۋ اۋدانىنا بارمايمىز. كوماندا بەرگەن كەزدە ول جەرگە دە اۆتوبۋستار جۇرگىزەتىن بولمىز. بۇگىن، ەرتەڭ ول جەرگە بارمايمىز»، - دەدى قالالىق موبيلدىلىك باسقارماسى باسشىسىنىڭ ورىنباسارى سىمبات مىرزاعۇلوۆ.