بوستاندىق اۋدانى اكىمدىگىنىڭ قولداۋىمەن Mega Center ويىن-ساۋىق ورتالىعىندا "استانا كۇنى" اتالىپ ءوتتى، دەپ حابارلايدى Almaty Aqshamy.
كونسەرتتىك شارا ەلوردامىز استانانىڭ 25 جىلدىق مەرەيتويىنا ارناپ ۇيىمداستىرىلدى.
6 شىلدە استانانىڭ تۋعان كۇنى. الماتىلىقتار بۇل كۇندى ەرەكشە اتاپ ءوتتى.
مەرەكەلىك ساحنادا قازاق ۇلتتىق ونەرىنىڭ قايماعى قۇرمانعازى وركەسترى ونەر كورسەتتى.
وركەستردىڭ ورىنداۋىنداعى قازاقتىڭ كلاسسيكالىق مۋزىكا تۋىندىلارىنا جاستار، قالامىزدىڭ تۇرعىندارى مەن قوناقتارى ەرەكشە ءتانتى بولدى. شىرقالعان ءان مەن كۇي جينالعان جاماعاتقا مەرەكەلىك كوڭىل-كۇي سىيلادى.