اۋدارىسپاق سپورتى ءبىزدىڭ ەلدەن بولەك، ورتا ازيا، كاۆكاز ءوڭىرى، ءتىپتى ەۋروپادا كەڭ تاراعان، دەپ حابارلايدى Almaty-akshamy.kz.
ۆەنگريادا وسى كونە سپورت تۇرىنەن جارىستار ءجيى ءوتىپ تۇرادى. ال قازاقستاندا 2 مىڭعا جۋىق ادام اۋدارىسپاقپەن اينالىسادى. بۇل ويىن كوشپەندىلەردەن باستاۋ العان. بەلگىلەنگەن الاڭدا ەكى شاباندوز كۇرەسەدى. ەرەجەگە سايكەس اتتان قۇلاماعانى جەڭىسكە جەتەدى،-دەپ جازدى 24.kz. جاڭادان قۇرىلعان فەدەراسياعا ەۋرازيانىڭ 10 مەملەكەتى مۇشە. قاۋىمداستىق وسى سپورت ءتۇرىن دامىتۋ، ونى ازيا ويىندارىنىڭ باعدارلاماسىنا، سونداي-اق يۋنەسكو-نىڭ ماتەريالدىق ەمەس، مادەني مۇرالارىنىڭ تىزىمىنە ەنگىزۋدى ماقسات ەتەدى.
- «مەتوديچكا» اشايىن دەپ جاتىرمىز. ەندى مىناۋ جاستارعا، اسىرەسە وسى ويىن جاستارعا پوپۋليزاسيا جاسايىق دەگەن ويىمىز بار. بۇكىل مەملەكەتپەن وتىرىپ، ءبىر ورتاعا «ۋستاۆ» جاساپ، ورتاق شەشىمگە كەلدىك،-دەيدى قازاقستاننىڭ اۋدارىسپاق فەدەراسياسىنىڭ پرەزيدەنتى مارات جۇمان.