الماتىدا تىلەندييەۆتەن روزىباكييەۆ كوشەسىنە دەيىنگى اباي داڭعىلىنداعى قوزعالىس ەكى تاۋلىككە شەكتەلەدى
اسفالتبەتون جابىندىسىنىڭ توسەلۋىنە بايلانىستى اباي داڭعىلى بويىنشا تىلەندييەۆ كوشەسىنەن روزىباكييەۆ كوشەسىنە دەيىن كۇندىزگى جانە تۇنگى ۋاقىتتا 7 شىلدەدە ساعات 23:00-دەن 9 شىلدەدە ساعات 06:00-گە دەيىن قوزعالىس تولىعىمەن شەكتەلەدى. اينالما جول ەسەنجانوۆ، ساتبايەۆ، تىلەندييەۆ، برۋسيلوۆسكيي، تۇرعۇت وزال كوشەلەرىمەن قامتاماسىز ەتىلەدى.
قوزعالىستى شەكتەۋ وسى ۋچاسكەدە پوليمەراسفالتبەتوندى قولدانۋمەن بايلانىستى. ول 150-160 س تەمپەراتۋرادا توسەلەدى، قاجەتتى بەرىكتىككە جەتۋ ءۇشىن قوسپانى 40 گرادۋسقا دەيىن سالقىنداتۋ كەرەك. ايتپەسە، قوسپانىڭ قۇرامى كولىك قۇرالدارى جۇكتەمەلەرىنىڭ اسەرىنەن بۇزىلادى، بۇل بولاشاقتا جارىقتار مەن كولىسۋلاردىڭ پايدا بولۋىنا اكەلەدى. جابىندى توسەۋ جۇمىستارى تۇندە جۇرگىزىلەدى، الايدا جۇرگىزىلەتىن جۇمىستاردىڭ ساپاسىنىڭ ناشارلاۋىن بولدىرماۋ ءۇشىن بەتتى سالقىنداتۋ جانە ءتيىستى قاتتىلىق پەن بەرىكتىكتى جيناۋ ءۇشىن ورتا ەسەپپەن 36 ساعاتقا شىداۋ ۇسىنىلادى. بۇل كەزەڭ، ادەتتە، كۇندىزگى ۋاقىتقا سايكەس كەلەدى، بۇل قوزعالىستىڭ قاباتتاسۋىن تۇسىندىرەدى.
ايتا كەتسەك، الدىڭعى ورتاشا جوندەۋ جۇمىستارى وسى ۋچاسكەدە 2012 جىلى جۇرگىزىلگەن. جوندەۋارالىق مەرزىمنىڭ وتۋىنە بايلانىستى جوبالاۋ ۇيىمىنىڭ (ليسەنزياسى بار) وكىلدەرىمەن تەكسەرۋ جۇرگىزىلدى. شۇڭقىرلار، ءتۇرلى شوگۋلەر تۇرىندەگى اقاۋلار انىقتالدى، وسى جولدىڭ اعىمداعى جاعدايى تۋرالى تەحنيكالىق قورىتىندى جاسالدى. وسىعان بايلانىستى ۋچاسكە 2023 جىلعا ارنالعان جۇمىس جوسپارىنا ەنگىزىلدى.
بۇعان دەيىن دوستىق داڭعىلىنان نازاربايەۆ داڭعىلىنا دەيىنگى ۋچاسكەدە جوندەۋ جۇمىستارى اياقتالعان بولاتىن. جوندەۋ بريگادالارى ەكى باعىت بويىنشا جۇمىس ىستەيتىن بولادى.
ۋاقىتشا قولايسىزدىقتار ءۇشىن كەشىرىم سۇرايمىز. بۇل قالا جولدارىن جوندەۋ ولاردىڭ بىزگە ۇزاق قىزمەت ەتۋى ءۇشىن قاجەتتى شارا. سوندىقتان باراتىن باعىتتارىڭىزدى الدىن الا بەلگىلەپ الۋدى وتىنەمىز.
الماتى قالالىق موبيلدىلىك باسقارماسى