ەليزابەت ۇلكەن سپورتتان كەتكەنىن مالىمدەدى
قازاقستاندىق مانەرلەپ سىرعاناۋشى ەليزابەت تۇرسىنبايەۆا سپورتتاعى مانسابىن اياقتاعانىن جاريا ەتتى، دەپ حابارلايدى Almaty-akshamy.kz.
ەليزابەت Instagram-داعى پاراقشاسىندا سپورتتاعى مانسابىن اياقتاۋعا جونىندە شەشىم قابىلداعانىن جەتكىزگەن. مۇنداي شەشىم قابىلداۋىنا ارقاسىنان العان جاراقاتى سەبەپ بولعانىن ايتا كەلىپ، ول ۇزاق ۋاقىتتان بەرى دەنساۋلىعىن مازالاپ جۇرگەنىن جاسىرماعان.
«وسىنىڭ سالدارىنان مامىر ايىنىڭ سوڭىنا دەيىن تولىققاندى جاتتىعۋ جاساۋعا جاعداي بولعان جوق. مەن ءۇشىن ءومىرىمنىڭ بەلگىلى بولىگىن اياقتاۋ ارقىلى جاڭا قادامدارعا اياق باستىم دەپ سانايمىن. مەن قازاقستاندا ءجۇرمىن. جىل سوڭىنا دەيىن بالالارعا ءوزىمنىڭ ۇيرەنگەن تاجىريبەمدى كورسەتىپ، ولاردىڭ شەبەرلىگىن ارتتىرۋعا كوڭىل بولمەكپىن. مەن ءارقاشان ءوز ەلىمنىڭ مانەرلەپ سىرعاناۋ سپورتىن دامىتۋدى جوسپارلاپ كەلدىم. سول ءبىر ءسات تۋدى دەپ سانايمىن»، - دەپ جازدى سپورت شەبەرى.
ەليزابەت تۇرسىنبايەۆا 2000 جىلدىڭ 14 اقپانىندا دۇنيەگە كەلدى. 2019 جىلى الەم چەمپيوناتىندا كۇمىس جۇلدە الدى. بۇل جونىندە سپورتشىنىڭ اكەسى بايتاق تۇرسىنبايەۆ الەۋمەتتىك جەلىدەگى پاراقشاسىندا توقتالدى.
«وسى ورايدا بىزگە قولداۋ بىلدىرگەن قىزىلوردا وبلىسى اكىمدىگىنە، ۇلتتىق وليمپيادا كوميتەتىنە، ەلىمىزدىڭ مادەنيەت جانە سپورت مينيسترلىگىنە ۇلكەن ريزاشىلىعىمىزدى بىلدىرەمىز. سونداي-اق، ەليزابەتتىڭ جوعارى تابىستارعا قول جەتكىزۋىنە ۇلكەن ۇلەس قوسقان ازاماتتارعا العىسىمىزدى بىلدىرەمىز»، - دەپ اتاپ كورسەتتى.
ونىڭ ايتۋىنشا، ەليزابەت 2011 جىلدان بەرى ەلىمىزدىڭ ۇلتتىق قۇراماسى ساپىندا 51 جارىسقا قاتىستى. حالىقارالىق سايىستاردا بارلىعى 39 مەدالعا قول جەتكىزدى. ولاردىڭ 17ء-ى التىن. سوڭعى ون جىلداعى سپورتتىق مانسابىندا ەليزابەت بىردە-بىر حالىقارالىق جارىستاردى قۇر جىبەرگەن جوق. دەگەنمەن كەيىنگى جىلى العان جاراقاتىنان ونداي دودالارعا بارا المادى. ەليزابەت الەم تاريحىندا ەرەسەكتەر اراسىندا حالىقارالىق جارىستاردا ءتورت اينالىپ سەكىرۋدى ورىنداعان العاشقى مانەرلەپ سىرعاناۋشى رەتىندە ەرەكشەلەنەدى.
قازاقستان ءۇشىن الەم چەمپيوناتىندا ايەلدەر اراسىندا العاشقى سپورتشى رەتىندە باعالانادى. وعان قوسا ول ءتورت قۇرلىق چەمپيوناتىندا، ازيا ويىندارىندا، جاسوسپىرىمدەر اراسىنداعى وليمپيادا ويىندارىندا، حالىقارالىق ۋنيۆەرسيادادا جۇلدەگەرلەر قاتارىنان كورىندى.