ۇلىبريتانيا جاسوسپىرىمدەرىنە كۆي-گە قارسى ەگۋ باستالدى.
بريتانيا ەلىندە كوروناۆيرۋسقا قارسى بالالارعا ينەكسيا جاساۋ ءۇشىن اتا-انالاردىڭ رۇقساتى قاجەت ەمەس، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
ۇلىبريتانيادا 12-15 جاس ارالىعىنداعى جاسوسپىرىمدەردى كوروناۆيرۋسقا قارسى ەگۋ باستالدى. انگليادا كوپتەگەن جاعدايلاردا ۆاكسيناسيا تىكەلەي مەكتەپتەردە جاسالادى. ۋەلستە مەكتەپتەردەن باسقا ۆاكسيناسيا ورتالىقتارىندا جاساۋعا بولادى. شوتلانديادا جاسوسپىرىمدەردى كلينيكالاردا ۆاكسيناسيالاۋعا بولادى. وقۋشىعا ينەكسيا جاساۋ ءۇشىن اتا-انالاردىڭ رۇقساتى قاجەت ەمەس.
بەلارۋسسيادا COVID-19 ءتورتىنشى تولقىنىنىڭ باستالعانى تۋرالى حابارلاندى. دەنساۋلىق ساقتاۋ ءمينيسترى دميتريي پينيەۆيچتىڭ ايتۋىنشا، ەلدە اۋرۋدىڭ جوعارى دەڭگەيى كۇن سايىن وسۋدە، اۋرۋحاناعا جاتقىزۋ كورسەتكىشى دە ارتۋدا. بۇل دەنساۋلىق ساقتاۋ جۇيەسى كۇشتەرىنىڭ جان-جاقتى جۇكتەمەسىن تالاپ ەتەتىنىن اتاپ ءوتتى.
ۋكراينا ۇكىمەتى ەلدەگى كارانتيندى 31 جەلتوقسانعا دەيىن ۇزارتتى. رەجيم ەپيدەميولوگيالىق جاعدايعا بايلانىستى ايماقتاردا ءارتۇرلى شەكتەۋلەر ەنگىزۋدى كوزدەيدى. ۋكراينانىڭ دەنساۋلىق ساقتاۋ مينيسترلىگىنىڭ مالىمەتىنشە، سوڭعى اپتادا COVID-19 راستالعان جاڭا جاعدايلاردىڭ سانى 68%-عا، اۋرۋحاناعا جاتقىزۋ 51%-عا ءوستى.