استانادا 24 قاراشادا ۇيىنەن شىعىپ كەتكەن 14 جاستاعى مەكتەپ وقۋشىسى بىرنەشە ساعاتتان كەيىن ءولى كۇيىندە تابىلدى، دەپ حابارلايدى اqshamnews.kz ءتىلشىسى.
قالالىق پوليسيا دەپارتامەنتىنىڭ مالىمەتىنشە، قىز ۇيدەن شامامەن 18:30-دە شىعىپ كەتىپ، سودان كەيىن بايلانىسقا شىقپاعان. ساعات 21:00-دە اتا-اناسى پوليسياعا حابارلاسقان. ىزدەۋگە ەلوردالىق دەپارتامەنتتىڭ بارلىق جەكە قۇرامى جانە ەرىكتىلەر جۇمىلدىرىلدى.
بىرنەشە ساعاتقا سوزىلعان ىزدەستىرۋ جۇمىستارىنان كەيىن قىزدىڭ دەنەسى وزەننەن تابىلدى. پوليسيا مالىمەتىنشە، وقيعا فاكتىسى «وز-وزىنە قول جۇمساۋ» بابى بويىنشا قىلمىستىق ءىس قوزعالىپ، بولعان جايتتىڭ بارلىق ءمان-جايى انىقتالىپ جاتىر.