2024 جىل قىتايدا رەسمي تۇردە "قازاقستان ءتۋريزمى" جىلى دەپ جاريالاندى.
وسىعان بايلانىستى ەلىمىزگە شىعىستان ساياحاتشىلار كوپتەپ كەلەدى دەگەن بولجام بار.
"اشىق الاڭ" ساياسي توك-شوۋىندا ەكى ەلدىڭ قارىم-قاتىناسىن تالقىلاندى. جىل سايىن 150 ملن-نان اسا جۇڭگو ازاماتى شەت ەلدەردە قىدىرىپ، 250 ملرد دوللار جاراتادى، دەپ حابارلايدى اlmaty-akshamy.kz.
بۇل وتاندىق تۋريزم ءۇشىن ۇلكەن مۇمكىندىك. ساياحاتشىلاردى ەلگە تارتۋ ءۇشىن ينفراقۇرىلىمدى جاقسارتىپ، اۋە رەيستەرىن كوبەيتۋ كەرەك دەيدى ساراپشىلار.
ۆيزاسىز ءتارتىپتىڭ ەنگىزىلۋى دە بارىس-كەلىستىڭ ارتۋىنا ىقپال ەتپەك. ءقازىردىڭ وزىندە ەلىمىزدىڭ كورىكتى جەرلەرىن تاماشالاۋ ءۇشىن اسپان استى ەلىنەن تۋريستەر كەلىپ جاتىر.
"ءقازىر اۆتوبۋستار جەتپەي جاتىر دەيدى. شارىننىڭ اينالاسىندا، كولسايدىڭ اينالاسىندا تۋريستەر بارىپ توقتايتىن، تاماق ىشەتىن جەرلەر، دارەتحانالار بارلىعى وتە جاقسى دەڭگەيدە دايىندالعان. قازىرگى جەتپەي جاتقان نارسە سولاردى تاسۋعا اۆتوكولىكتەر جەتپەي جاتىر دەيدى"، -دەدى قوعام قايراتكەرى جاقسىبەك قۇلەكەيەۆ.