قازاقستان اۋماعىنا كەدەندىك باجدار مەن سالىقتاردى تولەۋدەن بوساتىلا وتىرىپ، 6 875 ەلەكتروموبيل اكەلىنگەن.
مەملەكەتتىك كىرىستەر كوميتەتىنە سۇيەنسەك، 2023 جىلدىڭ سوڭىنا دەيىن كۆوتا بويىنشا كەدەندىك باجدار مەن سالىقتاردى تولەۋدەن بوساتىلا وتىرىپ، وتانداستارىمىزعا تاعى 8 477 ەلەكتروموبيل اكەلۋ مۇمكىندىگى بار.
"جەكە تۇلعالار جەكە پايدالانۋعا ارنالعان ەلەكتروموبيل يمپورتى كەزىندە جىلىنا ءبىر رەت جولاۋشىلار كەدەندىك دەكلاراسياسىن بەرۋ ارقىلى كەدەندىك باجدار مەن سالىقتاردى تولەۋدەن بوساتىلا وتىرىپ، 1 ەلەكتروموبيل اكەلە الادى، تيىسىنشە قانداي دا ءبىر تولەمدەردى تولەۋدىڭ قاجەتى جوق"، -دەدى ق ر قم مەملەكەتتىك كىرىستەر كوميتەتى باقىلاۋ دەپارتامەنتىنىڭ ديرەكتورى ەلدوس ساۋدابايەۆ
ول ءۇشىن قازاقستان رەسپۋبليكاسىنىڭ ازاماتى بولۋ جانە قازاقستان رەسپۋبليكاسىندا تۇراقتى تۇرۋ قاجەت.
سونىمەن قاتار ازاماتقا وسى ەلەكتروموبيلدى يەلەنۋ، پايدالانۋ، بيلىك ەتۋ قۇقىعىن رەسەي فەدەراسياسىنىڭ ازاماتتىعى بار جانە رەسەي فەدەراسياسىندا تۇراقتى تۇراتىن ادامدارعا كەدەندىك تازارتۋ ساتىنەن باستاپ 3 (ءۇش) جىل ىشىندە بەرۋگە تىيىم سالۋ تۇرىندە شەكتەۋلەر قويىلادى.
جولاۋشىلار كەدەندىك دەكلاراسياسىن بەرۋ ءۇشىن ازامات ءوز بەتىنشە (كەدەن وكىلدەرىنىڭ قىزمەتتەرىنە جۇگىنۋ مۇمكىندىگى بار) قازاقستان رەسپۋبليكاسى ازاماتىنىڭ جەكە باسىن كۋالاندىراتىن قۇجاتتى، سونداي-اق تاۋارعا ىلەسپە قۇجاتتاردى ۇسىنا وتىرىپ، كەدەن بەكەتىنە ينسپەكتورعا جۇگىنە الادى.
كوميتەت ەەك كەڭەسىنىڭ شەشىمىمەن 2022 جانە 2023 جىلدارى ەلەكتروموبيلدەرگە باجسىز اكەلۋ مۇمكىندىگى بەرىلگەنىن اتاپ ءوتتى.
بۇگىنگى تاڭدا ەۋرازيالىق ەكونوميكالىق كوميسسيا الاڭىندا باجسىز اكەلۋ مۇمكىندىگىن 2025 جىلعا دەيىن ۇزارتۋ جونىندەگى ماسەلە قارالىپ جاتىر.
"جوعارىدا اتالعان كۆوتا شەڭبەرىندە كەدەندىك باجداردى تولەۋدەن بوساتىلا وتىرىپ، ءبىراق تاۋار قۇنىنىڭ 12% مولشەرىندە ققس تولەي وتىرىپ جانە 20 000 تەڭگە مولشەرىندە كەدەندىك الىم تولەي وتىرىپ، ەلەكتروموبيلدى اكەلۋدىڭ باسقا مۇمكىندىگى بار"، دەپ جازدى ق ر قم مەملەكەتتىك كىرىستەر كوميتەتىنىڭ باسپا ءسوز قىزمەتى