استانادا قمدب «زەكەت جانە قايىرىمدىلىق» قورىنىڭ ۇيىتقى بولۋىمەن ەستۋ جانە سويلەۋ قابىلەتى ناشار جاندارعا ارنالعان «ەرەكشە كاسىپ» جوباسى اياسىندا كىلت جاساۋ كۋرسى اشىلدى.
اتالمىش كۋرستىڭ اشىلۋ سالتاناتى «ZEKET HUB» قايىرىمدىلىق ورتالىعىندا ءوتتى. كۋرستىڭ ماقساتى – مۇمكىندىگى شەكتەۋلى جانداردى كاسىپكە باۋلىپ، قوعامدىق ورتاعا تارتۋ. «ەرەكشە كاسىپ» جوباسى اياسىندا الداعى ۋاقىتتا مىلقاۋ جاندارعا كىلت جاساۋ بويىنشا ساباقتار جۇيەلى تۇردە جۇرگىزىلەدى دەيدى قور ديرەكتورى ماقساتبەك ماقسوت ۇلى.