الماتىدا كوشى-قون زاڭناماسىن بۇزعان وزبەكستان ازاماتى قۇرىقتالدى، – دەپ حابارلايدى اlmaty-akshamy.kz.
الماتى قالاسى اۋەجايىنداعى جەلىلىك پوليسيا ءبولىمىنىڭ قىزمەتكەرلەرى رەيدتىك ءىس-شارالاردى جۇرگىزۋ بارىسىندا وزبەكستان رەسپۋبليكاسىنىڭ 22 جاستاعى ازاماتىن انىقتادى، ول ءتيىستى تىركەۋسىز جولاۋشىلاردى جەكە تاسىمالداۋمەن (تاكسي) اينالىسقان.
بۇدان بولەك، شەتەلدىك ازامات قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزعانى انىقتالدى، ياعني جۇزەگە اسىراتىن قىزمەتى ۆيزادا كورسەتىلگەن ماقساتتارعا سايكەس بولماعان نەمەسە قاجەتتى رۇقسات الماستان، قازاقستان رەسپۋبليكاسىندا ەڭبەك قىزمەتىن جۇزەگە اسىرعان. قۇقىق بۇزۋشىعا قاتىستى ق ر اقبتك-نىڭ 463-بابى 1-بولىگى (ءتيىستى تىركەۋسىز كاسىپكەرلىك قىزمەتپەن اينالىسۋ) جانە ق ر اقبتك-نىڭ 517-بابى 5-بولىگى (شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى) بويىنشا ەكى اكىمشىلىك حاتتاما تولتىرىلدى. الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىمەن شەتەلدىك قۇقىق بۇزۋشى 5 جىل مەرزىمگە ق ر اۋماعىنا كىرۋگە تىيىم سالۋ بەلگىلەنىپ، ق ر تىسقارى شىعارىپ جىبەرۋ تۇرىندە اكىمشىلىك جاۋاپكەرشىلىككە تارتىلدى.