ەلىمىزدىڭ ۇزدىك پروۆيزورى انىقتالدى

مەديسينا قىزمەتكەرلەرىنىڭ اراسىنداعى رەسپۋبليكالىق بايقاۋدىڭ قورىتىندىسى شىقتى.

ونىڭ ناتيجەسى بويىنشا زامزاگۇل بياحمەت قىزى چوجيكوۆا  "ۇزدىك پروۆيزور" اتاعىن الىپ، "اltyn Shipager" ۇلتتىق مەديسينالىق سىيلىعىنىڭ يەگەرى اتاندى، دەپ حابارلايدى Almaty-akshamy.kz

ول ەمحانانىڭ ديرەكتورى گۇلشاحيرا اجىمۇقان قىزىنىڭ باسشىلىعىمەن الماتى قالاسى اۋەزوۆ اۋدانى N6 قالالىق ەمحاناسىنىڭ جوعارى ساناتتى پروۆيزورى بولىپ  جۇمىس ىستەيدى.

 1990 جىلى الماتى مەديسينا ينستيتۋتىنىڭ فارماسيەۆتيكا فاكۋلتەتىن ءبىتىرىپ، ەڭبەك جولىن شىعىس قازاقستان وبلىسىنىڭ ماقانشى اۋىلىندا باستادىم، - دەيدى جەڭىمپازىمىز.

زامزاگۇل بياحمەت قىزى كوپتەگەن جىلدار بويى ءوز پاسيەنتتەرىن دارى-دارمەكپەن قامتاماسىز ەتۋمەن اينالىسادى، ونىڭ قىزمەتىنە دارىلىك پرەپاراتتاردىڭ ساپاسى مەن قاۋىپسىزدىگىن باقىلاۋ، ءدارىحانا پۋنكتتەرىنىڭ جۇمىسىن ۇيىمداستىرۋ كىرەدى.

"مەن ءوز كاسىبىمدى ماقتان تۇتامىن. فارماكولوگيا سالاسىنداعى 33 جىلدىڭ ىشىندە بىرنەشە رەت ءتۇرلى ماراپاتتارعا يە بولدىم. ۇلكەن جۇمىس وتىلىنە قاراماستان، ءوز ماماندىعىمدى جەتىلدىرۋ بويىنشا كۋرستاردان ءوتۋدى جالعاستىرامىن، ويتكەنى قازىرگى زامانعى مەديسينادا ءبىلىم قورىن ۇنەمى تولىقتىرىپ وتىرۋ قاجەت"، - دەپ ەسەپتەيدى ەلىمىزدىڭ ۇزدىك پروۆيزورى.