وعان ەلىمىزدەگى بارلىق ءوڭىردىڭ 965 مەكتەبى مەن 35 كوللەدجىن قوسا العاندا 1000 وقۋ ورنى قاتىستى.
بيىل 6 قاراشا مەن 15 جەلتوقسان ارالىعىندا قازاقستاندا «مەكتەپتەرگە ارنالعان PISA-2023» حالىقارالىق زەرتتەۋى اياقتالدى، دەپ حابارلايدى اlmaty-akshamy.kz.
«ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) «مەكتەپتەرگە ارنالعان PISA» زەرتتەۋى جەكە مەكتەپ دەڭگەيىندە 15 جاستاعى وقۋشىلاردىڭ وقۋ، ماتەماتيكا جانە جاراتىلىستانۋ پاندەرى بويىنشا فۋنكسيونالدىق ساۋاتتىلىعىن سالىستىرادى. زەرتتەۋگە 436 قالالىق جانە 564 اۋىلدىق ءبىلىم بەرۋ ۇيىمدارىنان 33 مىڭنان استام وقۋشى قاتىستى. زەرتتەۋ ناتيجەلەرى بويىنشا ءبىلىم بەرۋ ۇيىمدارى PISA زەرتتەۋىنە قاتىسقان ەلىمىزدىڭ جانە الەمنىڭ باسقا مەكتەپتەرىمەن سالىستىرىلعان ناتيجەلەرى تۋرالى ەسەپ الادى. بۇدان باسقا، ەسەپتەردە ءبىلىم الۋشىلاردىڭ وقۋ ۇلگەرىمىنە، ياعني، ولاردىڭ الەۋمەتتىك جانە ەموسيونالدىق داعدىلارىنا، وقۋ پروسەسىنە دەگەن قىزىعۋشىلىعىنا جانە مەكتەپ/كوللەدجدگە كوزقاراسىنا جانە ت.ب. اسەر ەتەتىن فاكتورلارعا تالداۋ جاسالىنادى»، - دەدى ق ر وقۋ-اعارتۋ مينيسترلىگى ءبىلىم سالاسىندا ساپانى قامتاماسىز ەتۋ كوميتەتىنىڭ ءتوراعاسى ەرنۇر داۋەنوۆ.
ءاربىر مەكتەپ 2024 جىلدىڭ ەكىنشى جارتىجىلدىعىندا ءبىلىم ساپاسىن جاقسارتۋ جانە تالداۋ ءۇشىن قۇندى اقپاراتتارى بار ەسەپتەردى الادى. ەسكە سالايىق، مەكتەپتەرگە ارنالعان PISA-2022 ناتيجەلەرى بويىنشا 1000 ءبىلىم بەرۋ ۇيىمىنا 428 جەكە جانە 172 توپتىق ەسەپ بەرىلگەن.