قازاقستاندىقتار ەۆا كورىشيەۆا مەن دانيەل تازابەكوۆ Tennis Europe سەرياسى بويىنشا 2023 جىلدىڭ ۇزدىك شەتەلدىك ويىنشىسى اتاندى.
14 جاسار ەۆا مەن 16 جاسار دانيەل ەۋروپا تەننيس قاۋىمداستىعىنان (Tennis Europe Tour) «جىلدىڭ ۇزدىك ويىنشىسى» (ەۋروپالىق وداق ەلدەرىنەن ەمەس) سىيلىعىنا يە بولدى، دەپ حابارلايدى Almaty-akshamy.kz.
ۇلتتىق وليمپيادا كوميتەتىنىڭ مالىمەتىنشە، ە.كورىشيەۆا جىلدى ىستانبۇل تۋرنيرىندەگى جەڭىسپەن باستادى. سودان كەيىن بەلگيادا ءبىرىنشى ساناتتاعى جارىستا ۇزدىك شىقتى. ەۆا Tennis Europe رەيتينگىندە جەكەلەي سىندا جىلدى 18-ورىنمەن قورىتىندىلادى. ول 24 ۇتىس، 5 جەڭىلىسپەن (83 پايىز) رەكوردتىق كورسەتكىشكە قول جەتكىزدى. سونداي-اق جۇپتىق سىندا ەكى مارتە چەمپيون اتاندى.
تازابەكوۆ Tennis Europe اياسىندا وتكەن جەتى دودادا ب ا ق سىناپ، تۇراقتى جوعارى ناتيجەلەرگە يە بولدى. سونىڭ ناتيجەسىندە جىل سوڭىندا 20-ورىنعا كوتەرىلدى. ونىڭ رەكوردتىق كورسەتكىشى –15 جەڭىس، 7 ۇتىلىس (68 پايىز). بيىل ول جۇپتىق سىندا ەكى رەت يسپانيادا اۆيلەستە Apple Bowl جانە يتاليادا تولەنتينو تۋرنيرىندە (ەكەۋى دە ءبىرىنشى سانات) وزىق شىقتى.
وتكەن جىلى وسىنداي اتاققا زاڭعار نۇرلان ۇلى، ال 2021 جىلى زارا داركەن يە بولعان ەدى.