الماتى، استانا جانە شىمكەنتتە 5G جەلىسىن ىسكە قوسۋ جوسپارلانعان.
سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى اسحات ورازبەك جاڭا جيىلىكتىڭ قاشان پايدالانۋعا بەرىلەتىنى تۋرالى ءمالىم ەتتى، دەپ حابارلايدى Almaty-akshamy.kz
ونىڭ ايتۋىنشا، 2022 جىلدىڭ سوڭىندا رەسپۋبليكالىق ماڭىزى بار ءۇش قالادا – الماتى، استانا جانە شىمكەنتتە 5G جەلىسىن ىسكە قوسۋ جوسپارلانعان.
«بۇل - جوعارى جىلدامدىقتى قاجەت ەتەتىن ءىرى بيزنەس ابونەنتتەرى. بۇل – وتە كوپ ۆيدەو قارايتىن، جاقسى، ساپالى بايلانىستى قاجەت ەتەتىن الەۋمەتتىك جەلى قولدانۋشىلارى. حالىقارالىق زەرتتەۋ ءموبيلدى تەحنولوگيالاردى ەنگىزۋ قارقىنى مەن حالىق پەن بيزنەستىڭ ەكونوميكالىق بەلسەندىلىگىنىڭ تىكەلەي بايلانىسى بار ەكەندىگىن كورسەتىپ وتىر. 4G تەحنولوگياسىن ەنگىزگەن كەزدە جانە ونىڭ قارقىندى دامىعان ۋاقىتىندا حالىققا، بيزنەسكە قانداي پايدا اكەلگەنىن كورىپ وتىرمىز. 5G 2025 جىلعا دەيىن ەلىمىزدىڭ بارلىق وبلىس ورتالىعىنا تاراتىلاتىن بولادى»، - دەدى اسحات ورازبەك.
5G جيىلىگىن تاراتۋ بويىنشا وتكەن اۋكسيوندا «موبايل تەلەكومسەرۆيس» ج ش س مەن «كسەلل» اق جەڭىسكە جەتتى. ولار ءتيىستى تولەم جاساعاننان كەيىن راديوجيىلىكتى پايدالاناتىن بولادى.