مەملەكەتتىك رامىزدەر – ەلدىڭ ۇلتتىق بولمىسىن، دەربەستىگى مەن تاۋەلسىزدىگىن بۇكىل الەمگە تانىتاتىن بەلگى.
قازاقستاننىڭ تۇڭعىش رامىزدەرى – تۋ مەن ەلتاڭبا 1992 جىلدىڭ 4 ماۋسىمىندا قابىلداندى. ال ءانۇران ءماتىنى سول جىلدىڭ 11 جەلتوقسانىندا بەكىتىلدى. بيىل رامىزدەرگە - 32 جىل، دەپ حابارلايدى Almaty-akshamy.kz.
تاۋەلسىزدىك كۇنى قارساڭىندا نازارلارىڭىزعا مەملەكەتتىك رامىزدەر تۋرالى قىزىقتى دەرەكتەردى ۇسىنامىز.
1. ەلتاڭبا كورىنىسى قازاقستان ازاماتىنىڭ كەز كەلگەن قۇجاتىندا بولادى. تۋۋ تۋرالى كۋالىكتەن باستاپ زەينەتاقى كىتاپشاسىنا دەيىن ەلتاڭبانىڭ بەلگىسى قولدانىلادى.
2. تۋ ۇنەمى وڭ جاققا قاراي جەلبىرەۋى كەرەك.
3. 1992 جىلى قابىلدانعان ءانۇران 750 جوبا ىشىنەن تاڭدالىپ الىنعان.
4. مەملەكەتتىك مەكەمە ماڭدايشالارىندا تۋ مىندەتتى تۇردە بولۋى كەرەك.
5. قازاقستان رەسپۋبليكاسىنىڭ زاڭنامالار جيناعىندا رامىزدەرگە ارنايى 3 باپ بەرىلگەن.
6. قازىرگى ءانۇرانىمىز زاڭدى تۇردە 2006 جىلى 7 قاڭتاردا قابىلداندى. جاڭا ءانۇران ءبىرىنشى رەت سول جىلى 11 قاڭتاردا تۇڭعىش پرەزيدەنت ن.نازاربايەۆتى سالتاناتتى ۇلىقتاۋ راسىمىندە ورىندالدى.
7. قازاقستانداعى ەڭ ۇلكەن تۋ ەلورداداعى «اتامەكەن» ەتنومەموريالدىق كەشەنىندەگى مەملەكەتتىك رامىزدەر الاڭىندا ورنالاسقان. بيىكتىگى – 111 مەتر. كەشەن 2009 جىلى سالىنعان.
8. 1994 جىلى 1 شىلدەدە تالعات مۇسابايەۆ تۇڭعىش رەت قازاقتىڭ تۋىن عارىشقا اپاردى.
9. مونبلان شىڭىندا (4 810 م)، پامير تاۋىنىڭ لەنين شىڭىندا (7 134 م) جانە ەۆەرەست شىڭىندا (8 800 م) ەلىمىزدىڭ تۋى جەلبىرەپ، ءانۇرانىمىز شىرقالدى.
10. 2015 جىلى عارىشكەر ايدىن ايىمبەتوۆتىڭ عارىشقا ساپارى كەزىندە قازاقستاننىڭ تۋى جەردى 150 رەت اينالىپ ۇشتى.