الماتى ورتالىق قالالىق كلينيكالىق اۋرۋحاناسىنىڭ تراۆماتولوگى داۋلەت چۋكمانوۆ 1969 جىلى تۋعان ناۋقاسقا وڭ جامباس موينىنىڭ ەندوپروتەزدەۋ وتاسىن ءساتتى جاساپ شىقتى.
بۇل وتا 1994 جىلى جامباس موينىنىڭ سىنۋىنان تۋىنداعان اياقتاعى ماسەلەنى شەشىپ بەردى، دەپ حابارلايدى Almaty-akshamy.kz.
ناۋقاس شامامەن 30 جىل بۇرىن جامباس موينىن سىندىرىپ العان. سالدارىنان وڭ اياعى10 سم-گە قىسقارعان ۋاقتىلى حيرۋرگيالىق وتا جاسالماۋدىڭ سالدارىنان اياق ۋاقىت وتە كەلە قىسقارىپ، ناۋقاستىڭ ءومىر ءسۇرۋ ساپاسىن ەداۋىر ناشارلاتىپ، سوزىلمالى اۋىرسىنۋدى تۋدىردى جانە قوزعالىستى شەكتەدى.
وتا كەزىندە ناۋقاسقا جامباس بۋىنىنىڭ جالپى ەندوپروتەزى ورناتىلدى.
1،5 ساعاتتىق وتا كەزىندە تراۆماتولوگتار اياقتى قالىپتى ۇزىندىققا قايتارىپ، بۋىننىڭ جۇمىسىن قالپىنا كەلتىرە الدى.
ەندوپروتەزدەۋ - ماماننىڭ مول تاجىريبەسى مەن شەبەرلىگىن قاجەت ەتەتىن كۇردەلى جانە جوعارى تەحنولوگيالىق پروسەدۋرا.
"وتا ءساتتى ءوتتى، ناۋقاس قالپىنا كەلۋ پروسەسىن باستادى. اياقتىڭ ۇزارۋى جانە ەندوپروتەزدى ورناتۋ ونىڭ قوزعالعىشتىعى مەن ءومىر ءسۇرۋ ساپاسىن ەداۋىر جاقسارتتى جانە قالىپتى فيزيكالىق بەلسەندىلىككە ورالۋعا جانە سوزىلمالى اۋىرسىنۋدان ارىلۋعا مۇمكىندىك بەردى"، - دەپ اتاپ ءوتتى داۋلەت چۋكمانوۆ.
ەسىڭىزگە سالا كەتەيىك، ورتالىق قالالىق كلينيكالىق اۋرۋحانادا جامباس بۋىندارىن ەندوپروتەزدەۋ بويىنشا وتا جۇرگىزىلەدى.