ءقازىر ول ۋاقىتشا ۇستاۋ يزولياتورىندا.
24 جىل بۇرىن ادام ۇرلاۋ مەن كىسى ولتىرۋگە قاتىسقان 63 جاستاعى قىلمىسكەر بەلگيادان الماتىعا اكەلىندى، دەپ حابارلايدى Almaty-akshamy.kz
الماتى قالالىق ءىىد باستىعى ارىستانعاني زاپپاروۆتىڭ الەۋمەتتىك جەلىدە جازعانىنداي، 1997 جىلى ماۋسىمدا نوۆوسىبىردە ءبىر ازامات جەرلەسىن ۇرلاپ، ولتىرۋگە قاتىسقان. ۇرلانعان ادامدى بوساتۋ ءۇشىن تۋىستارىنان 100 مىڭ دوللار اقشا تالاپ ەتىلدى.
شابۋىل جاساۋشىلاردىڭ بۇل اۋىر قىلمىستى ادامدار توبىندا الدىن الا ءسوز بايلاسۋ ارقىلى جاساعانى انىقتالدى.
"تەرگەۋ بارىسىندا قىلمىسقا قاتىسۋشىلار ۇستالىپ، ولارعا ءارتۇرلى جازالار تاعايىندالدى.سوت ورگاندارىنان قاشىپ كەتكەن ولاردىڭ بىرىنە قاتىستى سىرتتاي قاماۋعا الۋ تۇرىندەگى بۇلتارتپاۋ شاراسى، سونداي-اق مەملەكەتارالىق جانە حالىقارالىق ىزدەۋ جاريالاندى"، دەگەن الماتى قالالىق پوليسيا دەپارتامەنتى باستىعىنىڭ ورىنباسارى، پوليسيا پولكوۆنيگى قۋاتبەك ناۋاتوۆ.
ىزدەۋدەگى ازامات جالعان دەرەكتەرمەن بەلگيادا جاسىرىنىپ جۇرگەنى انىقتالدى. الماتى قالالىق پروكۋراتۋراسىنىڭ كەلىسۋىمەن جانە ينتەرپولدىڭ كومەگىمەن كۇدىكتى ۇستالىپ، الماتىعا جونەلتىلدى.
بۇعان دەيىن ادام ءولتىردى دەگەن كۇدىككە ىلىنگەن قازاقستاندىق رەسەيدەن ەكستراديسيالانعان بولاتىن.