ەلىمىزدىڭ توعىز ءوڭىرى استىق جيناۋ ناۋقانىنا كىرىسىپ كەتتى

بۇگىنگى تاڭدا قازاقستاننىڭ التى وڭىرىندە 638،8 مىڭ گا استىق القابى جينالدى.

ەگىن جيناۋ ناۋقانى الماتى، جەتىسۋ، جامبىل، تۇركىستان، اباي، قىزىلوردا، باتىس قازاقستان، شىعىس-قازاقستان وبلىستارىندا، سونداي-اق شىمكەنتتە باستالدى، دەپ حابارلايدى Almaty-akshamy.kz.

ق ر اشم باسپا ءسوز قىزمەتىنىڭ مالىمەتىنشە، ەلدىڭ بارلىق ايماقتارىندا جاپپاي ەگىن جيناۋ تامىزدىڭ ءۇشىنشى ونكۇندىگىندە باستالىپ، قاراشاعا دەيىن جالعاسادى. ورتاشا ونىمدىلىك گەكتارىنا 14 سەنتنەر، 1079،6 مىڭ توننا استىق باستىرىلدى.

ەگىن جيناۋ ناۋقانىن وتكىزۋ ءۇشىن 426 مىڭ توننا ارزانداتىلعان ديزەل وتىنىن ءبولۋ جوسپارلانعان. بۇگىنگى تاڭدا 78،2 مىڭ تونناسى تولەنىپ، شامامەن 45،7 مىڭ توننا جونەلتىلدى.

بيىل ەنەرگەتيكا مينيسترلىگى ۋاكىلەتتى ورگان رەتىندە موز-دەن ديزەل وتىنىنىڭ ساتۋ باعاسىن تونناسىنا 284 مىڭ تەڭگە دەڭگەيىندە بەكىتتى. جەتكىزۋ جونىندەگى وپەراتورلاردىڭ شىعىندارىن ەسكەرە وتىرىپ، فەرمەرلەر ءۇشىن ورتاشا باعا ليترىنە 269 تەڭگەنى قۇرايدى، بۇل نارىقتىق قۇننان 9% تومەن.

وبلىستاردىڭ اكىمدىكتەرى جوسپارلى رەجيمدە استىق ساقتاۋ قويمالارىنىڭ دايىندىعىن قامتاماسىز ەتۋ بويىنشا قاجەتتى جۇمىستاردى ىستەپ جاتىر. ەليەۆاتورلاردىڭ اعىمداعى قۋاتى 29،9 ملن توننانى قۇرايدى، ونىڭ ىشىندە استىق قابىلداۋ كاسىپورىندارىندا – 13 ملن توننا، اۋىل شارۋاشىلىعى تاۋارىن وندىرۋشىلەردە – 16،9 ملن توننا.

وسىلايشا، ساقتاۋ قۋاتتىلىعىنىڭ كورسەتىلگەن كولەمى وتكەن جىلدارداعى اۋىسپالى قالدىقتاردى ەسكەرە وتىرىپ، بولجامدى ەگىندى ساقتاۋ ءۇشىن جەتكىلىكتى.