ۇلتتىق تەستىلەۋ ورتالىعى ءبىلىم بەرۋ گرانتتارى يەگەرلەرىنىڭ ءتىزىمىن جاريالادى
ق ر عىلىم جانە جوعارى ءبىلىم مينيسترلىگىنىڭ رەسمي سايتىندا جانە الەۋمەتتىك جەلىلەرىندە 2023-2024 وقۋ جىلىنا ارنالعان ءبىلىم گرانتى يەگەرلەرىنىڭ ءتىزىمى جاريالاندى، دەپ حابارلايدى Almaty-akshamy.kz.
گرانتتاردى تاعايىنداۋ كونكۋرسىنا قاتىسۋ ءۇشىن 94 مىڭ تالاپكەر قۇجات تاپسىردى. بۇل وتكەن جىلمەن سالىستىرعاندا 14 مىڭعا ارتىق.
مەملەكەتتىك گرانتتار رەسپۋبليكالىق كوميسسيا وتىرىسىنىڭ قورىتىندىسى بويىنشا تاعايىندالدى. كوميسسيا قۇرامىندا ق ر پارلامەنتىنىڭ دەپۋتاتتارى، مۇددەلى مەملەكەتتىك ورگانداردىڭ، بiلiم سالاسى كاسiپوداقتارىنىڭ، ق ر ۇلتتىق كاسiپكەرلەر پالاتاسىنىڭ، ق ر جوعارى وقۋ ورىندارىنىڭ اسسوسياسياسىنىڭ جانە قوعامدىق ۇيىمداردىڭ وكىلدەرى بولدى.
اتاپ وتسەك، بيىل مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس حالىق تىعىز قونىستانعان باتىس جانە جاڭادان قۇرىلعان وڭىرلەردىڭ جاستارى ءۇشىن گرانتتار ءبولىندى. پەداگوگيكالىق، ينجەنەرلىك، IT ماماندىقتارعا جانە جاراتىلىستانۋ عىلىمدارى بويىنشا اتىراۋ وبلىسىنا – 1500، ماڭعىستاۋ وبلىسىنا – 1500، ۇلىتاۋ وبلىسىنا – 300، جەتىسۋ وبلىسىنا – 300، اباي وبلىسىنا – 500، شىمكەنت قالاسىنا – 400، تۇركىستان وبلىسىنا – 500 گرانت بەرىلدى.
گرانت يەگەرلەرىنىڭ تىزىمىمەن مىنا سىلتەمە ارقىلى تانىسۋعا بولادى.