قازاقستاندا تەلەفون كودىن وزگەرتۋ ماسەلەسى قالاي شەشىلىپ جاتىر؟
باعدات ءمۋسيننىڭ ايتۋىنشا، قازاقستاندا تەلەفون كودى +7-دەن +77-گە وزگەرۋى مۇمكىن، دەپ حابارلايدى Almaty-akshamy.kz
سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى اقش-قا ساپارى بارىسىندا حالىقارالىق ەلەكتربايلانىس وداعىنىڭ (ITU) باسشىسىمەن كەزدەسىپ، قازاقستاننىڭ تەلەفون كودىن وزگەرتۋ ماسەلەسىن تالقىلاعانىن اتاپ ءوتتى.
"قازىرگى كود +7. مەن اقش-تا بولعانىمدا ITU باسشىسى دورين بوگدان-مارتينامەن كەزدەستىم. ونىمەن بۇل ماسەلەنى تالقىلادىق. +997-گە ءوتۋ قيىن ەمەس. بۇل ءنومىردى بىزگە رەزەرۆكە قويدى. ءبىراق ITU-گە بىزگە +7 ەمەس +77 قالدىرۋدى ۇسىندىم. الايدا ITU ءبىر كۇندە شەشىم قابىلداي المايدى، ويتكەنى ول حالىقارالىق ۇيىم جانە مۇنداي وتىنىشتەر بويىنشا كەزدەسۋلەر مەن تالقىلاۋلار وتكىزۋى كەرەك. بىزگە وزگەرتۋ تۋرالى ۇسىنىستى تالقىلاۋعا ۋادە بەردى. قازاقستاندا باسقا ەلدەرمەن بىرگە قولدانىلاتىن +7 ەمەس، ءوزىنىڭ +77 كودى بولادى دەپ ۇمىتتەنەمىز"، - دەدى ول.