الداعى ءماجىلىس جانە ءماسليحات سايلاۋىندا استانا مەن الماتى سايلاۋشىلارىنا ءتورت ءتۇرلى بيۋللەتەن بەرىلەدى.
ال، قالعان ايماقتاردا بەسەۋ بولادى. ويتكەنى، كەيبىر وڭىرلەردە قالالىق جانە اۋداندىق ءماسليحاتتار سايلاۋى بولادى. بۇل تۋرالى «ادال سايلاۋ ءۇشىن» قوعامدىق شتابىنىڭ وكىلدەرى ايتتى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
سايلاۋشىلار قاتەلىك جاساماس ءۇشىن، بيۋللەتەندەر ءارتۇرلى تۇستە بولادى. سونداي-اق، بيۋللەتەندەردىڭ كوپتىگىنە بايلانىستى بىرنەشە داۋىس بەرۋ جاشىگى دە قويىلۋى مۇمكىن. ودان بولەك، ءبىر مانداتتى وكرۋگتىك ۇمىتكەرلەردى تاڭداۋعا بايلانىستى ەسەپتەن شىعارۋ قاعازدارىنىڭ بىرنەشە ءتۇرى بەرىلەدى.
«ويتكەنى، ءبىز بىلەمىز، ءبىر مانداتتى وكرۋگ ءبىر وبلىسپەن تەڭ بولۋى مۇمكىن. سول وبلىستىڭ ىشىندە جۇرەتىن بولسا، وندا ءبىر وكرۋگتىڭ ىشىندە ءجۇر دەپ ەسەپتەلەدى. ەگەر ول مۇلدە باسقا وڭىرگە بارامىن دەسە، پارلامەنت ماجىلىسىنە پارتيالىق ءتىزىم بويىنشا داۋىس بەرە الاتىن مۇمكىندىگى بولادى»، - دەدى «ادال سايلاۋ ءۇشىن» قوعامدىق شتابىنىڭ مۇشەسى دۋمان جامپەيىسوۆ.