ەلىمىزدىڭ تاعى ەكى جۇك كولىگى ۋكراينا اۋماعىنان شىعارىلدى

ۋكراينادا قالىپ قويعان قازاقستاندىق مەنشىك يەلەرىنە تيەسىلى 57 جۇك كولىگىنىڭ 51ء-ى شىعارىلدى.

بۇل تۋرالى ق ر يندۋستريا جانە ينفراقۇرىىمدىق دامۋ مينيسترلىگىنىڭ باسپا ءسوز قىزمەتى حابارلادى.

باسپا ءسوز قىزمەتىنىڭ مالىمەتتەرىنە قاراعاندا، 11 كولىك رەسەي فەدەراسياسى اۋماعىنا، 8ء-ى مولدوۆاعا جانە 32ء-سى پولشاعا ءوتتى. ۋكراينادا ازىرگە 6 كولىك قالىپ وتىر، ونىڭ ىشىندە 5 جۇرگىزۋشى - وسى ەلدىڭ ازاماتتارى. سونداي-اق، قازاقستاندىق وپەراتورلارعا تيەسىلى 1030 جۇك ۆاگونى ۋكراين جەرىندە تۇر، دەپ حابارلايدى Almaty-akshamy.kz 

بۇل ەلگە قاراي باعىتتالعان 509 ۆاگون ازىرگە رەسەي فەدەراسياسى مەن گرۋزيا اۋماعىندا. تاعى 627 ۆاگون باسقا باعىتتارعا جىبەرىلدى.

«مەملەكەت باسشىسى قاسىم-جومارت توقايەۆ ۋكرايناداعى قازاقستان ازاماتتارىن ەۆاكۋاسيالاۋ جونىندەگى جۇمىستى ءجىتى قاداعالاپ وتىر. حالىقارالىق تاسىمالداردا تۋىنداعان ماسەلەلەر بويىنشا جەدەل ارەكەت ەتۋ ءۇشىن ق ر ييدم، «قازاقستان تەمىر جولى» ۇك» اق جانە ەلىمىزدىڭ تەڭىز پورتتارى جانىنان «جەدەل جەلىلەر» اشىلدى»،-دەلىنگەن حابارلامادا.

ق ر ييدم "جەدەل جەلىسىنىڭ" تەلەفوندارى: ق ر ييدم كولىك كوميتەتىنىڭ احۋالدىق ورتالىعى: +7 (7172) 98-35-35، 98-35-33؛ ق ر ييدم احۋالدىق ورتالىعىنىڭ WhatsApp ءنومىرى: + 7 708 088 0 800.