بۇل عيمارات پايدالانۋعا قازان ايىندا بەرىلەدى.
الماتى اكىمدىگىنىڭ عيماراتىن قالپىنا كەلتىرۋ مامىردا اياقتالمايتىن بولدى. بۇل تۋرالى ءماجىلىستىڭ جالپى وتىرىسىندا ق ر پرەمەر-مينيسترىنىڭ ءبىرىنشى ورىنباسارى رومان سكليار ايتتى، دەپ حابارلايدى Almaty-akshamy.kz Aikyn.kz سىلتەمە جاساپ.
رومان سكلياردىڭ ايتۋىنشا، قاڭتارداعى قىرعىن كەزىندە وتقا ورانىپ، جارامسىز بولىپ قالعان قالالىق اكىمدىكتىڭ عيماراتى قازان ايىندا پايدالانۋعا بەرىلەدى.
«كەلتىرىلگەن شىعىندى ەسكەرە وتىرىپ، الماتى اكىمدىگى مەن قازاقستان ۇتا عيماراتتارىن قايتا قالپىنا كەلتىرۋ جۇمىستارى 2022 جىلدىڭ قازان ايىندا اياقتالادى دەپ كۇتىلۋدە»، – دەدى ۇكىمەت باسشىسىنىڭ ءبىرىنشى ورىنباسارى.
ەستەرىڭىزگە سالا كەتەيىك، بۇعان دەيىن الماتى اكىمدىگى اتالعان عيماراتتى قايتا جوندەۋ جۇمىستارى مامىر ايىندا تولىقتاي اياقتالادى دەپ مالىمدەگەن بولاتىن. ولار سونداي-اق عيماراتتى تولىقتاي قالپىنا كەلتىرۋ ءۇشىن 20 ميلليارد تەڭگە كەتەدى دەگەن. بۇل سومانى زارداپ شەككەن نىسانداردىڭ شىعىنىن ەسەپتەۋ جونىندەگى كوميسسيا تاعايىنداعان.
ۆيسە-پرەمەردىڭ ايتۋىنشا، قاجەتتى قاراجات مەملەكەت رەزەرۆىنەن، سونداي-اق جەكە قاراجات ەسەبىنەن جۇزەگە اسىرىلادى.