قازاقستاننىڭ شىعىسىنداعى مارقاكول مەملەكەتتىك قورىعى يۋنەسكو-نىڭ بۇكىلالەمدىك بيوسفەرالىق رەزەرۆاتتار جەلىسىنە كىردى.
بۇل – وسى تىزىمنەن ورىن العان ەلىمىزدىڭ ءۇشىنشى ەرەكشە قورعالاتىن تابيعي اۋماعى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
بۇعان دەيىن پلانەتانىڭ «جاسىل» ستاندارتىنىڭ بەدەلدى قاتارىن 2017 جىلى قاتونقاراعاي ۇلتتىق تابيعي پاركى تولىقتىرسا، 2020 جىلى بۇل تىزىمگە باتىس التاي قورىعى قوسىلدى. ساراپشىلاردىڭ پىكىرىنشە، تابيعاتتى قورعاۋ مەكەمەسىنىڭ حالىقارالىق بيوسفەرالىق رەزەرۆاتتار جەلىسىنە قوسىلۋى عىلىمي جوبالاردى كەڭىنەن جۇرگىزۋگە جول اشادى. مارقاكول قورىعىنىڭ جالپى اۋدانى 103 مىڭ گەكتاردى الىپ جاتىر. سونداي-اق، بۇل – قازاقستاننىڭ ەڭ سۋىق بۇرىشى، ءتىپتى جازدا دا تۇندە تەمپەراتۋرا نولگە دەيىن تومەندەيدى. فلوراسى مەن فاۋناسى دا الۋان ءتۇرلى.