كەي وڭىرلەردە اۋا تەمپەراتۋراسى +40 +45°س دەيىن كوتەرىلەدى.
«قازگيدرومەت» ماماندارى 26-28 شىلدەسىنە ارنالعان اۋا رايى بولجامىن ايتتى، دەپ حابارلايدى Almaty-akshamy.kz.
رەسپۋبليكا بويىنشا تۇراقسىز اۋا رايى ساقتالادى، جاڭبىر جاۋادى. 26 شىلدەدە باتىستا، 27-28 شىلدەدە ەلدىڭ سولتۇستىك-باتىسىندا، سولتۇستىگىندە نايزاعاي، داۋىل، بۇرشاق كۇتىلەدى.
«كۇندىزگى ۋاقىتتا رەسپۋبليكانىڭ باتىس وڭىرلەرىندە اۋا تەمپەراتۋراسىنىڭ +25 +35°س-تان +30 +40°س-قا دەيىن كوتەرىلۋى كۇتىلۋدە، ال ەلدىڭ سولتۇستىك-باتىسىندا، سولتۇستىگىندە اۋا تەمپەراتۋراسىنىڭ كۇندىز +30 +35°س-تان +20 +30°س-قا دەيىن بىرتىندەپ تومەندەۋى بولجانۋدا»، - دەلىنگەن سينوپتيكتەردىڭ حابارلاماسىندا.
قازاقستاننىڭ ورتالىعىندا اۋا تەمپەراتۋراسى +30 +38°س-تان +27 +35°س-قا دەيىن تومەندەيدى، ەلدىڭ شىعىس وبلىستارىندا بولسا، اۋا تەمپەراتۋراسى +22 +32°س-تان +27 +38°س-قا دەيىن كوتەرىلەدى. ال قازاقستاننىڭ وڭتۇستىگىندە، وڭتۇستىك-شىعىسىندا وتە قاتتى ىستىق اۋا رايى ساقتالادى: +40 +45°س.