بۇگىنگە دەيىن مايمىل شەشەگى 75 مەملەكەتتە تىركەلگەن.
دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس مايمىل شەشەگىن حالىقارالىق اۋقىمداعى توتەنشە جاعداي دەپ جاريالادى، دەپ حابارلايدى Almaty-akshamy.kz
ددسۇ باسشىسىنىڭ ايتۋىنشا، مايمىل شەشەگىنەن تۋىندايتىن اۋرۋدىڭ قاتەرى ەۋروپانى قوسپاعاندا، بۇكىل الەمدە شەكتەۋلى دەڭگەيدە قالىپ وتىر.
«مەن مايمىل شەشەگىنىڭ جاھاندىق تاراۋى دەنساۋلىق ساقتاۋ سالاسىندا حالىقارالىق مانگە يە اپاتتى جاعدايدى تۋدىرىپ وتىر دەگەن شەشىمگە كەلدىم. ەۋروپادا ول جوعارى بولىپ وتىر. ۇيىمنىڭ قولىندا اۋرۋدىڭ تارالۋىن توقتالىپ، باقىلاۋدا ۇستاۋ ءۇشىن قاجەتتى قۇرالداردىڭ ءبارى بار. وسى ورايدا، بارلىق مەملەكەتتەردىڭ سايكەس ۇيىمدارمەن جۇمىس ىستەگەنى اسا ماڭىزدى»، - دەدى تەدروس گەبرەيەسۋس.
ددسۇ-نىڭ سوڭعى مالىمەتتەرىنە سۇيەنسەك، مامىر ايىنا باستاپ بۇگىنگە دەيىن مايمىل شەشەگى 75 مەملەكەتتە تىركەلگەن. بارلىعى 16 مىڭ ادام اۋىرعان، ولاردىڭ اراسىندا بالالار دا بار. بەس ادام شەشەكتەن قايتىس بولدى.