ەلىمىزدىڭ تابىسى ەڭ تومەن قاي وڭىرلەر؟

تابىسى ەڭ تومەن وڭىرلەر - تۇركىستان وبلىسى جانە شىمكەنت قالاسى

ۇلتتىق ستاتيستيكا بيۋروسىنىڭ مالىمەتىنە سايكەس، 2020 جىلى ەل تۇرعىندارىنىڭ جان باسىنا شاققانداعى ورتاشا تابىسى ارتىپ، 116 مىڭ تەڭگەدەن ءسال استى، دەپ حابارلايدى Almaty-akshamy.kz

«2020 جىلى حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى ايىنا ورتا ەسەپپەن 116 126 تەڭگەنى قۇرادى جانە اتاۋلى ماندە 2019 جىلمەن سالىستىرعاندا 11،4% ءوستى. وسى كەزەڭدەگى تۇتىنۋ تاۋارلارى مەن كورسەتىلەتىن قىزمەتتەرگە باعالاردىڭ 6،8% ءوسىمى كەزىندە حالىقتىڭ ناقتى اقشالاي تابىستارى وتكەن جىلمەن سالىستىرعاندا 4،3% جوعارىلادى.

2020 جىلى حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارىنىڭ مولشەرى بويىنشا ەڭ جوعارى ءمانى اتىراۋ وبلىسىندا بايقالدى، وندا وسى كورسەتكىش ورتاشا رەسپۋبليكالىق دەڭگەيدەن 2 ەسەگە جۋىق ارتتى»، - دەلىنگەن ۆەدومستۆو حابارلاماسىندا.

تابىسى ەڭ تومەن وڭىرلەر رەتىندە تۇركىستان وبلىسى جانە شىمكەنت قالاسى بەلگىلەندى. بۇل وڭىرلەردەگى حالىقتىڭ تابىس مولشەرى ورتاشا رەسپۋبليكالىق دەڭگەيدىڭ 55-65%-ىن قۇرادى.

وتكەن جىلى وڭىرلەر بويىنشا حالىقتىڭ جان باسىنا شاققانداعى تابىسىنىڭ ەڭ جوعارعى جانە ەڭ تومەنگى شاماسى اراسىنداعى ايىرماشىلىق 3،4 ەسەنى قۇرادى (2019 جىلى – 4 ەسە).