جەرگىلىكتى قىزعالداق گ ۇلى شەت ەلدى تاڭداندىرۋدا
سينگاپۋردە قازاقستان تاۋەلسىزدىگىنىڭ 30 جىلدىعىنا ارنالعان قىزعالداقتار كورمەسى ءوتتى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
مۇندا العاش رەت قازاقتىڭ كيىز ءۇيى تىگىلدى. نۇر-سۇلتان شەبەرلەرى جاساعان كيىز ءۇيدى كورمەگە ۇشاقپەن جەتكىزگەن. سونداي-اق قازاقستانداعى قوجا احمەت ياسساۋي كەسەنەسىنىڭ كوشىرمەسى دە جۇرت نازارىنا ۇسىنىلدى.
ياعني كورمە قوناقتارى گۇلدەردى تاماشالاپ قانا قويماي، قازاقتىڭ ءداستۇرى جانە مۋزىكاسىمەن دە جاقىن تانىستى. اتالمىش كورمەگە سينگاپۋر ءمينيسترى يندراني رادجا دا كەلدى. بۇل ەل قازاقستانمەن قارىم-قاتىناستارىن جوعارى باعالايدى.
ەلىمىز دەربەستىك الاردان بىرنەشە اي بۇرىن ەكى مەملەكەت باسشىلارى اراسىندا جاقسى بايلانىس ورناعان بولاتىن.
«قازاقستان مەن سينگاپۋر اراسىنداعى قاتىناستار بارلىق سالادا قارقىندى دامىپ كەلەدى. ال ونىڭ باستاماسى وسىدان 30 جىل بۇرىن سينگاپۋردىڭ العاشقى پرەمەر-مينيسترى لي كۋان يۋدىڭ الماتىعا جاساعان تاريحي ساپارى كەزىندە قالاندى. سول كەزدە ول قازاقستاننىڭ تۇڭعىش پرەزيدەنتى نۇرسۇلتان نازاربايەۆپەن كەزدەستى»، - دەدى قازاقستاننىڭ سينگاپۋردەگى توتەنشە جانە وكىلەتتى ەلشىسى اركەن ارىستانوۆ.
سونداي-اق، كورمەگە تەك ۆاكسينا سالدىرعان ادامدارعا كەلۋگە رۇقسات ەتىلدى. ول قازاننىڭ 14-نە دەيىن جالعاسپاق. كورمەنى ەلدىڭ 200 مىڭداي تۇرعىنى تاماشالايدى.