قازاقستان رەسپۋبليكاسى ىشكى ىستەر مينيسترلىگىندە 1 مامىر – قازاقستان حالقىنىڭ بىرلىگى كۇنىنە جانە باۋىرجان مومىش ۇلىنىڭ 115 جىلدىق مەرەيتويىنا وراي وتكىزىلگەن "مەملەكەتتىك ءتىل – بىرلىكتىڭ نەگىزى" اتتى دوڭگەلەك ۇستەلگە م.ەسبولاتوۆ اتىنداعى الماتى اكادەمياسىنان پوليسيا مايورى ا.ابدۋللايەۆ قاتىسىپ، ءمينيستردىڭ ورىنباسارى ا.سايتبەكوۆتىڭ اتىنان العىس حاتپەن ماراپاتتالدى، دەپ حابارلايدى aqshamnews.kz Polisia.kz-كە سىلتەمە جاساپ.
- مەملەكەتتىك ءتىلدىڭ مارتەبەسىن كوتەرۋ – بارلىعىمىزدىڭ ورتاق پارىزىمىز. ۇلتىم ۇيعىر بولعانمەن، قازاق حالقىمەن بالا كەزدەن ەتەنە ارالاسىپ ءوستىم. بالا كۇنىمنەن قازاق دوستارىمنىڭ ارقاسىندا قازاق ءتىلىن جاقسى مەڭگەردىم. ءقازىر مەن ماقان ەسبولاتوۆ اتىنداعى الماتى اكادەمياسىندا وقۋ-ساپ ءبولىنىسىنىڭ كۋرس باستىعىنىڭ ورىنباسارى بولىپ قىزمەت اتقارامىن. بۇگىنگى كۋرسانتتار – ەرتەڭ ەلىمىزگە قىزمەت ەتەتىن وفيسەرلەر. ءبىز ولاردىڭ قىزمەتكە ارالاسقاندا ءىس-قاعازدارىن مەملەكەتتىك تىلدە ساۋاتتى ورىنداۋى ءۇشىن بۇگىننەن باستاپ قاداعالايمىز، وقىتامىز، ۇيرەتەمىز. كۋرسانتتاردىڭ اراسىندا قازاق ءتىلىن جاقسى مەڭگەرگەن وزگە ۇلت وكىلدەرى دە بار. ولاردىڭ تىلگە دەگەن قۇرمەتى مەن ىنتاسىن ۇنەمى ناسيحاتتاپ وتىرامىز، - دەدى دوڭگەلەك ۇستەلدە ءسوز سويلەگەن ا.ابدۋللايەۆ.