مەملكەت باسشىسى قازاقستان تاريحىنىڭ كوپتومدىق جيناعىن كەلەسى جىلدىڭ ورتاسىنا دەيىن ازىرلەۋدى تاپسىردى.
تۇركىستاندا ءوتىپ جاتقان ۇلتتىق قۇرىلتايدا پرەزيدەنت قاسىم-جومارت توقايەۆ قازاقستان تاريحىنىڭ كوپتومدىعى جەڭىل تىلدە جازىلۋى ءتيىس ەكەنىن ايتىپ، تاپسىرما بەردى، دەپ حابارلايدى Almaty-akshamy.kz.
«قازاقستان اۋماعىندا وتكەن تاريحي وقيعالاردىڭ الەمدىك ۇدەرىستەرمەن تىعىز بايلانىستا سيپاتتالۋى ماڭىزدى. ءبىر سوزبەن ايتساق، جەتى تومدىق ەڭبەكتە ەلىمىزدىڭ شىنايى شەجىرەسى تولىعىمەن جازىلۋى قاجەت. كوپتومدىقتىڭ ءتىلى – جەڭىل، ءماتىنى – كەز كەلگەن جاستاعى وقىرمانعا تۇسىنىكتى بولۋى كەرەك. بۇل – اسا ماڭىزدى ماسەلە. قازاقستان تاريحىنىڭ كوپتومدىق جيناعىن كەلەسى جىلدىڭ ورتاسىنا دەيىن ازىرلەۋدى تاپسىرامىن. سودان سوڭ ول عىلىمي ورتادا كەڭىنەن تالقىلانۋى كەرەك»، - دەپ تاپسىرما جۇكتەدى پرەزيدەنت.
مەملەكەت باسشىسى بۇل ەڭبەك ۇلتتىڭ تاريحي سانا-سەزىمىن جاڭعىرتۋعا، مەملەكەتتىلىگىمىزدى نىعايتۋعا زور ۇلەس قوسادى دەگەن سەنىم ءبىلدىردى.
«ءبىز سان عاسىرلىق تاريحىمىزدى ماقتان ەتەمىز. تامىرى تەرەڭ ءتول شەجىرەمىز – حالقىمىزدىڭ مادەني كودىنىڭ وزەگى. ونى جان-جاقتى زەرتتەپ، وي ەلەگىنەن وتكىزۋگە جانە بارىنشا دارىپتەۋگە قاجەتتى جاعداي جاساۋىمىز كەرەك. بۇل – مەملەكەتتىڭ نەگىزگى مىندەتىنىڭ ءبىرى»، - دەدى قاسىم-جومارت توقايەۆ.