ونوماستيكا سالاسى تاريحي سانا-سەزىمدى جاڭعىرتۋدىڭ ماڭىزدى يدەولوگيالىق قۇرالى - مەملەكەت باسشىسى.
قازاقستان پرەزيدەنتى قاسىم-جومارت توقايەۆ ۇلتتىق قۇرىلتايدىڭ نەگىزگى وتىرىسىندا ونوماتسيكا ماسەلەسىندە ايماقتاردىڭ ەرەكشەلىگى مەن جالپىۇلتتىق باسىمدىقتار ەسكەرىلۋى كەرەك ەكەنىن ايتتى، دەپ حابارلايدى Almaty-akshamy.kz.
«ءتول تاريحىمىزدا ەرەكشە ورنى بار تۇلعالاردىڭ ءبىرىڭعاي ءتىزىمىن ازىرلەۋ قاجەت. بۇل ءتىزىم ەلىمىزدىڭ ىشىندە جانە شەتەلدە جالپىۇلتتىق بىرەگەيلىگىمىزدى ايشىقتايتىن باستى ۇستىنعا اينالماق. ونوماستيكا سالاسى تاريحي سانا-سەزىمدى جاڭعىرتۋدىڭ ماڭىزدى يدەولوگيالىق قۇرالى ەكەنى بەلگىلى. كەيبىر ادامداردىڭ قالاۋىمەن جالعان ءومىربايانى ادەيى قولدان جازىلعان كەڭەس ءداۋىرىنىڭ قايراتكەرلەرى بار. ونداي جاساندى تۇلعالاردىڭ ەسىمىن ءتۇرلى نىساندارعا بەرۋدى دوعارۋ قاجەت»، - دەدى قاسىم-جومارت توقايەۆ.
مەملەكەت باسشىسى ونوماستيكا سالاسىن تارتىپكە كەلتىرۋدى تاپسىردى.
«بۇل شارۋا كەشەندى جانە دايەكتى تۇردە ءبىر ورتالىقتان اتقارىلۋعا ءتيىس. ونوماستيكا بۇل – اتا-بابالارىمىزعا بايلانىستى يا بەلگىلى تۇلعالاردىڭ تۋىسقاندارىنىڭ ءىسى ەمەس. بۇل – مەملەكەتتىڭ شارۋاسى. وسى سالاداعى بارلىق راسىمدەردى ءىس جۇزىندە رەتتەۋ ماڭىزدى. وندا ايماقتاردىڭ ەرەكشەلىگىمەن قاتار، جالپىۇلتتىق باسىمدىقتار دا ەسكەرىلۋى كەرەك»، - دەدى پرەزيدەنت.