ەلىمىزدىڭ سالىق قۇپياسىن قۇرايتىن مالىمەتتەردىڭ ءتىزىمى ۇلعايادى

قۇجات اشىق نقا ۆەب-سايتىندا 9 قاڭتارعا دەيىن تالقىلانادى.

مەملەكەتتىك كىرىستەر ورگاندارىنىڭ ق ر ەڭبەك جانە حالىقتى الەۋمەتتىك قورعاۋ مينيسترلىگىنە سالىق تولەۋشى ​​(سالىق اگەنتى) تۋرالى سالىقتىق قۇپيانى قۇرايتىن مالىمەتتەردى سالىق ورگانىنىڭ جازباشا رۇقساتىنسىز ۇسىنۋ قاعيدالارىنا وزگەرىستەر ازىرلەندى، دەپ حابارلايدى Almaty-akshamy.kz

سونىمەن، سالىقتىق قۇپيانى قۇرايتىن مالىمەتتەرگە مىنالاردى قوسۋ ۇسىنىلادى:

دەربەس سالىق سالۋعا جاتاتىن جەكە تۇلعا تابىستارىنىڭ سومالارى؛

سالىق تولەۋشىنىڭ ورنالاسقان جەرى بويىنشا مەملەكەتتىك كىرىستەر ورگانى تۋرالى مالىمەتتەر.

تۇسىندىرىلگەندەي، بۇيرىق جوباسىن قابىلداۋ ميكرو جانە شاعىن كاسىپكەرلىك سۋبەكتىلەرىنىڭ ەڭبەكاقى قورىنا تۇسەتىن جالپى جۇكتەمەنى ازايتادى.

سونىمەن قاتار، سالىقتىق قۇپيانى قۇرايتىن مالىمەتتەرگە مىنالار جاتادى:

بيۋدجەتپەن، سونداي-اق الەۋمەتتىك تولەمدەرمەن ەسەپ ايىرىسۋدىڭ جاي-كۇيى (سالىق تولەۋشىنىڭ جەكە شوتىنان ءۇزىندى كوشىرمە).

سالىق اگەنتى اۋدارعان جەكە تابىس سالىعىنىڭ سوماسى جانە كەزەڭدەر (جارتى جىل، جىل) بويىنشا قىزمەتكەرلەردىڭ سانى.

ءوزىن-وزى جۇمىسپەن قامتىعان جەكە تۇلعالاردىڭ جانە جەكە پراكتيكالىق دارىگەرلەردىڭ سالىق كەزەڭى ىشىندە العان جيىنتىق جىلدىق تابىسى/كىرىسى (تۇزەتىلگەن).

سالىق اگەنتىنىڭ جەكە تۇلعاعا كەزەڭدەر (توقسان، جارتى جىل، جىل) بويىنشا ەسەپتەگەن تابىس سوماسى.

سالىق اگەنتى جەكە تۇلعا ءۇشىن كەزەڭدەر (توقسان، جارتىجىل، جىل) بويىنشا ەسەپتەيتىن جەكە تابىس سالىعىنىڭ سوماسى.

كەزەڭدەر (توقسان، جارتىجىلدىق، جىل) بويىنشا سالىق اگەنتى جەكە تۇلعاعا ەسەپتەيتىن مىندەتتى زەينەتاقى جارناسىنىڭ سوماسى.

كەزەڭدەر (توقسان، جارتىجىلدىق، جىل) بويىنشا جەكە تۇلعا ءۇشىن سالىق اگەنتى ەسەپتەيتىن الەۋمەتتىك اۋدارىمدار سوماسى.

مىندەتتى الەۋمەتتىك مەديسينالىق ساقتاندىرۋ بويىنشا سالىق اگەنتى جەكە تۇلعا ءۇشىن كەزەڭدەر (توقسان، جارتى جىل، جىل) بويىنشا ەسەپتەيتىن شەگەرىمدەردىڭ سوماسى.