بۇل تۋرالى قازاقستان اۆتوبيزنەس قاۋىمداستىعى حابارلادى.
قاڭتار-قاراشادا قازاقستاندا 90 434 جەڭىل كولىك (+32،3%)، 6 575 جۇك كولىگى، 1 158 اۆتوبۋس (+13،6%)، 623 تىركەمە/جارتىلاي تىركەمە جانە 456 باسقا مامانداندىرىلعان تەحنيكا شىعارىلدى، دەپ حابارلايدى Almaty-akshamy.kz
قازاقستانداعى كاسىپورىنداردا ونىمدەرى يگەرىلەتىن ەڭ تانىمال برەندتەردىڭ ۇزدىك بەستىگىن (ەكسپورتتى قوسقاندا) Chevrolet (34 360)، Hyundai (33 223)، Kia (13 384)، JAC (6 400 بىرلىك) جانە Lada (4 877 بىرلىك) قۇرادى. ەڭ تانىمال مودەلدەر قاتارىندا Chevrolet Cobalt، Hyundai Tucson جانە Chevrolet Nexia تۇر.
قوستانايداعى «سارىارقااۆتوونەركاسىپ» كاسىپورنى ەڭ كوپ كولىك شىعاردى. مۇندا وتكەن جىلى دايىندالعان كولىك سانى 50 012 (+20%) بولسا، بيىل 60 029 كولىك شىعارىلدى. الماتىداعى Hyundai Trans Kazakhstan ءوندىرىستى 33 223 كولىككە (+46،8%) دەيىن ۇلعايتتى. سەمەيدەگى "سەماز" 2 117 كوممەرسيالىق تەحنيكا شىعاردى.
كوكشەتاۋدا «كاماز ينجينيرينگ» 1 117 جۇك كولىگىن، الماتىلىق Hyundai Trans Auto 958 كوممەرسيالىق تەحنيكا (+39%)، قاراعاندى وبلىسىندا QazTehna 449 اۆتوبۋس، Daewoo Bus Kazakhstan 182 تەحنيكا شىعاردى.