ەلىمىزدىڭ قاي قالالارىندا پاتەر باعاسى ارزاندادى؟

مامىردا قازاقستاننىڭ 13 قالاسىندا ەكىنشى نارىقتا پاتەر باعاسى تۇسكەن. 

تەك ءتورت قالادا قىمباتتاپ جاتىر. Krisha.kz كەلتىرگەن مونيتورينگكە سايكەس، وتكەن ايدىڭ قورىتىندىسى بويىنشا ورتاشا باعا 374 556 تەڭگەنى قۇراعان. بۇل ساۋىرگە قاراعاندا 0،4%-عا از.

باعا قاتتى تومەندەگەن قالالار:

— استانا — 1،3%؛

— وسكەمەن — 1،2%؛

— اتىراۋ — 1%؛

— الماتى — 0،9% تومەندەگەن.

شىمكەنتتە، تارازدا (+0.2 %)، سەمەيدە (+0.4 %)، اقتاۋدا (0.5 %) كوتەرىلگەن.

مامىردىڭ قورىتىندىسى بويىنشا 1 شارشى مەتردىڭ ەڭ جوعارى ورتاشا باعاسى:

الماتىدا — 706 مىڭ

استانادا — 475 مىڭ

شىمكەنتتە — 433 مىڭ.

ەڭ تومەنى – قىزىلوردادا (236 مىڭ)، اقتوبەدە (293 مىڭ)، تارازدا (306 مىڭ) تىركەلگەن.

جىل باسىنان بەرى ەكىنشى نارىقتاعى پاتەرلەر ايتارلىقتاي قىمباتتادى: +0،4 %.

ەڭ قاتتى ءوسىم – اقتاۋدا +4،2 %، ەڭ تومەنى كوكشەتاۋدا — 3،3 %.

جالپى بەس ايدا 12 قالادا باسپانا قىمباتتاعان، سونىڭ ىشىندە الماتىدا، شىمكەنتتە - 2%، بەس قالادا، سونىڭ ىشىندە استانادا — 1،7 % ارزانداعان.

ال، ءبىر جىلدىق ديناميكا بويىنشا (2022 جىلدىڭ مامىرىنان 2023 جىلدىڭ مامىرىنا دەيىن) ەكىنشى نارىق ورتاشا 3،8 %-عا قىمباتتاعان.

ەڭ ۇلكەن ءوسىم اقتاۋدا - 13،4 %. ەڭ تومەنى تالدىقورعاندا — 5،2 %.