ەلىمىزدىڭ قاي وڭىرىندە جول اپاتى ءجيى بولادى؟

2021 جىلعى 13 940 وقيعانىڭ 1 859-ى ولىممەن اياقتالعان.

باس پروكۋراتۋرانىڭ مالىمدەۋىنشە، ولىممەن اياقتالاتىن جول اپاتىنىڭ قاي وڭىردە ءجيى بولاتىنى انىقتالدى، دەپ حابارلايدى Almaty-akshamy.kz

Tengrinews.kz سايتىنىڭ حابارلاۋىنشا، 2021 جىلى بارلىعى 13 940 جول اپاتى بولىپ، سونىڭ سالدارىنان 2 270 ادام، ونىڭ ىشىندە 200 بالا قازا تاپتى، 18 096 ادام جاراقات العان.

باس پروكۋراتۋرانىڭ قۇقىقتىق ستاتيستيكا جانە الەۋمەتتىك ەسەپ كوميتەتىنىڭ مالىمەتىنشە، 2021 جىلى جول اپاتىنىڭ باسىم بولىگى:

الماتى - 3230؛

الماتى وبلىسى - 2248؛

جامبىل وبلىسى - 1290؛

شىعىس قازاقستان وبلىسى - 860.

جول اپاتىنان قازا بولعانداردىڭ ەڭ كوپ سانى مىنا وڭىردە تىركەلدى:

الماتى وبلىسى - 463؛

تۇركىستان وبلىسى - 319؛

جامبىل وبلىسى - 222؛

قاراعاندى ​​وبلىسى - 161؛

شىعىس قازاقستان وبلىسى - 146.

پاندەميا جانە كارانتيندىك شەكتەۋلەر كەزىندە جول اپاتى از بولعانىمەن، ولىممەن اياقتالاتىن جازاتايىم وقيعالاردىڭ سانى جىلدان-جىلعا ايتارلىقتاي وسكەنىن اتاپ وتكەن ءجون. 2019 جىلى 16 614 جول اپاتى بولدى، ونىڭ 1 959-ى ولىممەن اياقتالدى. 2020 جىلى قاتاڭ كارانتيندىك شەكتەۋلەر كەزىندە 13 515 جول اپاتى تىركەلسە، ونىڭ 1 700-ىندە جولاۋشىلار اجال قۇشقان. 2021 جىلعى 13 940 وقيعانىڭ 1 859-ىندا جول-كولىك وقيعاسىنا قاتىسۋشىلار قازا تاپقان.