ديەتولوگ ارىقتاۋعا كومەكتەسەتىن ءشوپتى اتادى

كوك ءشوپتىڭ قۇرامىندا كومىرسۋلار از، سوندىقتان ونى كومىرسۋلارى تومەن ديەتادا پايدالانعان ءتيىمدى

اسجاپىراق (شپينات) ارقىلى ارىقتاۋ - ەڭ جاقسى ءارى ەڭ ءقاۋىپسىز ءادىس. مۇنداي پىكىردى دجەنني چەمپيون ەسىمدى ديەتولوگ العا تارتىپ وتىر، دەپ جازادى Eat This، Not That! باسىلىمى.

دارىگەردىڭ ايتۋىنشا، كوك ءشوپتىڭ بۇل ءتۇرى سالماقتى باقىلاۋدا ۇستاۋعا كومەكتەسەدى، جۇرەك-قان تامىرلارى اۋرۋلارىنىڭ پايدا بولۋ ءقاۋپى مەن دامۋىن باسەڭدەتۋگە اسەر ەتەدى، قان قىسىمى مەن حولەستەرين دەڭگەيىن قالىپقا كەلتىرىپ، مي جۇمىسىنىڭ زەرەكتىگىن ساقتاۋعا كومەكتەسەدى، دەپ حابارلايدى Almaty-akshamy.kz رەن-تۆ سايتىنا سىلتەمە جاساپ.

 «كالورياسى از بولعاننان كەيىن اسجاپىراق (شپينات) ديەتا كەزىندە ەڭ جاقسى كومەكشى قۇرال بولىپ سانالادى. بۇل ءونىمنىڭ 100 گرامىندا نەبارى 23 كالوريا بار»، - دەدى ديەتولوگ.

 ونىڭ ايتۋىنشا، ءشوپ قۇرامىندا كومىرسۋلار از، سوندىقتان بۇل ولاردى ديەتا ۇستاۋدا ءتيىمدى ەتە تۇسەدى «بۇل - وتە جوعارى تالشىقتى قۇرام. وسىنىڭ ارقاسىندا ادام ءوزىن توق سەزىنەدى. ءسىز پورسيالاردى ازايتا باستايسىز»، - دەدى ساراپشى. 

ءبىر ەسكەرەتىن جايت، سالماق تاستاۋدا كوك ءشوپتى كوپ قولدانۋدىڭ قاجەتى جوق، سەبەبى ودان قالقانشا بەزىندە بۇزىلىستار بولىپ، جالپى، ارىقتاۋ بارىسىن قيىنداتۋى مۇمكىن.

 «ونىڭ ۇستىنە، شپيناتتى وتە كوپ مولشەردە تۇتىنۋ بۇيرەكتە تاستىڭ تۇزىلۋىنە اكەلۋى مۇمكىن»، - دەدى ساراپشى.

دارىگەر، ەڭ دۇرىسى، اسجاپىراقتى كۇنىنە ءبىر كەسەدەن اسپايتىنداي مولشەردە عانا قولدانۋ كەرەك.