وتكەن جىلى جەتىسۋ وڭىرىندە كارانتين تالاپتارىن بۇزعاندارعا ەكى مىڭنان استام ءىس قوزعالدى

اكىمشىلىك ءىستىڭ 27 ماتەريالى سوتقا بەرىلدى.

بىلتىر الماتى وبلىسىندا كارانتين تالابىن بۇزعانداردىڭ ۇستىنەن 2260 اكىمشىلىك ءىس قوزعالعان، دەپ حابارلايدى Almaty-akshamy.kz.

«2021 جىلى الماتى وبلىسى بويىنشا كارانتين تالاپتارىن بۇزعانى ءۇشىن 2260 اكىمشىلىك ءىس قوزعالدى. ونىڭ ىشىندە، جۇمىس رەجيمىن شەكتەۋدى بۇزۋ - 116؛ ماسكا رەجيمىن ساقتاماۋ (ماسكا، قولعاپ بولماۋى) - 1594؛ وتباسىلىق، ەستەلىك ءىس-شارالاردى وتكىزۋ - 357؛ ليميت سانىن ساقتاماۋ - 31؛ دەزينفەكسيالىق رەجيمدى ساقتاماۋ - 4 جانە باسقالارى -158. اكىمشىلىك قۇقىقبۇزۋشىلىق تۋرالى 2147 حاتتاما تولتىرىلدى. اقبتك 64-1-بابى بويىنشا اكىمشىلىك قۇقىقبۇزۋشىلىق قۇرامىنىڭ بولماۋىنا بايلانىستى 113 اكىمشىلىك ءىس توقتاتىلدى»، - دەلىنگەن الماتى وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى تاراتقان حابارلامادا.

ۆەدومستۆونىڭ اقپاراتىنا سايكەس، كارانتين رەجيمىنىڭ تالاپتارىن بۇزۋ بويىنشا 173 330 370 تەڭگە سوماسىنا 2147 اكىمشىلىك ايىپپۇل سالىندى. ولار بويىنشا مەملەكەت كىرىسىنە 161 644 865 تەڭگە ءوندىرىلىپ الىندى.