ينفراقۇرىلىمدىق جوبالار جۇزەگە اسىرىلۋدا
پرەزيدەنتى جانىنداعى ورتالىق كوممۋنيكاسيالار قىزمەتى الاڭىندا ەلىمىزدىڭ كولىك-ترانزيتتىك الەۋەتىن دامىتۋعا ارنالعان دوڭگەلەك ۇستەل ءوتتى، دەپ حابارلايدى Almaty-akshamy.kz ييدم باسپا ءسوز قىزمەتىنە سىلتەمە جاساپ.
جيىن بارىسىندا سپيكەرلەر اۆتوموبيل جولدارىنىڭ ينفراقۇرىلىمىن دامىتۋ مەن ماگيسترالدى باعىتتارداعى جوندەۋ جۇمىستارى تۋراسىندا جانە كولىك-لوگيستيكالىق سالاسىنىڭ ماڭىزى جايىندا باياندادى.
دوڭگەلەك ۇستەلگە ق ر ييدم كوميتەتتەرىنىڭ ءتوراعالارى تولەگەن ابدۋللين مەن قاسىم تلەپوۆ، كولىك سالاسىنداعى تاۋەلسىز ساراپشى، «Kazlogistics» قازاقستان كولىك وداعى ءتوراعاسىنىڭ ورىنباسارى يۋريي لاۆريەنكو، «قتج» ۇك» اق ءتوراعاسىنىڭ ورىنباسارى قانات الماعامبەتوۆ جانە «ترانسكاسپيي حالىقارالىق كولىك ءدالىزى» حالىقارالىق اسسوسياسياسى» زتب باس حاتشىسى گايدار ابدىكەرىموۆ قاتىستى.
بريفينگ بارىسىندا بەلگىلى بولعانداي، بيىلعى جىلدىڭ سوڭىنا دەيىن «قاراعاندى – بالقاش» ۋچاسكەسىنىڭ بارلىق باعىتى اشىلىپ، پايدالانۋعا بەرىلمەك. بۇگىندە جاڭا كولىك ءدالىزىنىڭ 277 شاقىرىمىندا جول قوزعالىسى اشىلعان. بۇل تۋرالى اۆتوموبيل جولدارى كوميتەتىنىڭ ءتوراعاسى تولەگەن ابدۋللين مالىمدەدى.
«بالقاش – بۋرىلبايتال» جانە «بۋرىلبايتال – كۇرتى» باعىتىنداعى جول جەلىسى 2023 جىلدىڭ اياعىنا دەيىن ىسكە قوسىلادى. سونىمەن قاتار قازىرگى تاڭدا «كۇرتى – قاپشاعاي» ۋچاسكەسىندە تولىققاندى قۇرىلىس-مونتاج جۇمىستارى جۇرگىزىلۋدە. اتالعان جوبانى جۇزەگە اسىرۋعا 277 ينجەنەرلىك جانە وندىرىستىك مامان تارتىلىپ، ەڭبەك ەتۋدە. بۇل جول جەلىسى 2024 جىلى اشىلادى دەپ بولجانۋدا»، – دەدى ق ر ييدم وكىلدەرى.
سپيكەرلەردىڭ ايتۋىنشا، «باتىس ەۋروپا – باتىس جۇڭگو» حالىقارالىق كولىك ءدالىزىنىڭ «قىزىلوردا – قارابۇتاق – اقتوبە – رف شەكاراسىنا دەيىن» ۋچاسكەسىن رەكونسترۋكسيالاۋ جۇمىستارى ەكى كەزەڭ بويىنشا جۇزەگە اسىرىلماق.
ال «تالدىقورعان – قالباتاۋ – وسكەمەن» باعىتىنداعى اۆتوموبيل جولى كەلەسى جىلى اشىلادى كۇتىلۋدە. اتالعان كولىك ءدالىزىنىڭ جالپى ۇزىندىعى 768 شاقىرىمدى قۇرايدى. ونىڭ 37 شاقىرىمى ءبىرىنشى تەحنيكالىق كاتەگورياعا جاتسا، 731 شاقىرىمى ەكىنشى ساناتتا. بۇل جول جەلىسىنىڭ بارلىق باعىتى 2022 جىلدىڭ سوڭىنا قاراي اشىلماق. ال تولىققاندى جوندەۋ جۇمىستارى كەلەسى جىلى اياقتالادى.
ال ق ر ييدم كولىك كوميتەتىنىڭ ءتوراعاسى قاسىم تلەپوۆ ەلىمىزدىڭ كولىك-لوگيستيكالىق كەشەنىنىڭ ماڭىزى جايىندا جانە وسى باعىتتا اتقارىلىپ جاتقان جۇمىستار تۋراسىندا جان-جاقتى اڭگىمەلەدى. ترانسكاسپيي حالىقارالىق كولىك ءدالىزى – قازاقستاننىڭ ترانزيتتىك جانە ەكسپورتتىق مۇمكىندىگىن ارتتىرۋدا ماڭىزدى ءرول اتقارادى. اتالعان كولىك مارشرۋتى ازەربايجان، گرۋزيا، تۇركيا ارقىلى ەۋروپاعا جول اشادى.
«ءبىزدىڭ الدىمىزدا اتالعان كولىك ءدالىزىنىڭ وتكىزۋ مۇمكىندىگىن ارتتىرۋ ماقساتى تۇر. سونىمەن قاتار اقتاۋ پورتى ارنايى ەكونوميكالىق ايماعىندا كونتەينەرلىك حاب قۇرۋ كوزدەلىپ وتىر. بۇل ترانسكاسپيي ترانسپورتتىق مارشرۋتى ارقىلى جۇك تاسىمالداۋ مۇمكىندىگىن ارتتىرۋعا سەپتەسەدى. جوباعا الەمدىك ءىرى لوگيستيكالىق كومپانيالار تارتىلماق. سونداي-اق كاسپيي تەڭىزىندەگى پاروم فلوتى جەتىسپەۋشىلىگىنە بايلانىستى ءوزىمىزدىڭ 10 پاروم فلوتىن سالۋ كوزدەلۋدە»، – دەپ اتاپ ءوتتى سپيكەر.
ايتا كەتەرلىگى، قازىرگى كۇندە تەمىر جول سالاسىندا دا ءبىرقاتار ينفراقۇرىلىمدىق جوبالار بەلسەندى تۇردە جۇزەگە اسىرىلۋدا. «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسى شەڭبەرىندە دوستىق – مويىنتى، داربازا – ماقتاارال، الماتى بەكەتىن اينالىپ وتەتىن تەمىر جول جەلىسى جوبالارى قولعا الىنعان.