قازاقستانداعى اۆتوكولىك جولدارىنىڭ جالپى جەلىسى – 95 مىڭ كم، ونىڭ ىشىندە 25 مىڭ كم — رەسپۋبليكالىق، 71 مىڭ كم — اۋداندىق جانە وبلىستىق جولدار.
ءبىرىنشى ۆيسە-پرەمەر رومان سكليار وسىنداي اۋقىمدى جەلىنى كۇتىپ-ۇستاۋ جانە ونىڭ ساپاسى تۋرالى ايتىپ بەردى، دەپ حابارلايدى Almaty-akshamy.kz.
«ءبىز جولداردا اقى تولەۋ جۇيەسىن بەلسەندى تۇردە ەنگىزىپ جاتىرمىز. بىرنەشە جىلدان كەيىن ءوزىن-وزى اقتاپ، وسى جولداردى نورماتيۆتىك شەكتەردە قامتاماسىز ەتۋى ءتيىس. ەگەر رەسپۋبليكالىق اۆتوكولىك جولدارى جەلىسىن الاتىن بولساق، جولدار ناشار سالىنىپ جاتىر دەگەن ستەرەوتيپتەر بار. 2009 جىلى «استانا – بۋراباي» اۆتوموبيل جولىنىڭ سوڭعى ۋچاسكەسى تاپسىرىلدى. 15 جىل ءوتتى — بۇل جول ءالى دە وتە جاقسى جاعدايدا، ويتكەنى ول دۇرىس كۇتىپ ۇستالدى. ءبىراق ءبىزدىڭ نورماتيۆتەرىمىز بويىنشا جۇمىس ىستەسەك، كەلەسى جىلى مۇندا كۇردەلى جوندەۋ جۇمىستارىن باستاۋىمىز كەرەك. باسقا دا مىسالدار بار: "باتىس ەۋروپا – باتىس جۇڭگو". ءبىز حالىقارالىق قارجى ينستيتۋتتارىنان نەسيە الدىق، جوبانى 2015 جىلى تولىعىمەن اياقتادىق، ءبىراق كەيبىر ۋچاسكەلەردەگى جۇمىستار ەرتەرەك اياقتالدى. جولداردىڭ جاعدايى جاقسى، ولار دۇرىس كۇتىلۋدە، ساپاسى ەۋروپالىق ساپادان كەم تۇسپەيدى. جوبالارعا الەمدەگى ۇزدىك كومپانيالاردىڭ تەحنيكالىق قاداعالاۋ ينجەنەرلەرى تارتىلدى. ءبىزدىڭ ماماندار سول جولداردا بىرگە جۇمىس ىستەپ، تاجىريبە جينادى. "
استانا – پاۆلودار" جولىنىڭ كەيبىر ۋچاسكەلەرى 10 جىلعا جۋىق ۋاقىت بويى قولدانىستا بولدى. 1999 جىلدان بەرى سالىنعان جول ۋچاسكەلەرىن الايىق: بۇل «اتىراۋ – بەينەۋ» جولى، جەتكىلىكتى ۋاقىت ءوتتى. كۇردەلى جوندەۋ نەمەسە رەكونسترۋكسيالاۋ جۇمىستارىن جۇرگىزۋ قاجەت، ءبىراق سوعان قاراماستان جول ءالى دە قولدانىستا»، — دەپ اتاپ ءوتتى ءبىرىنشى ۆيسە-پرەمەر.
قازاقستاندا 2019 جىلدان باستاپ «جول اكتيۆتەرى ساپاسىنىڭ ۇلتتىق ورتالىعى» رمك جۇمىس ىستەيدى. كاسىپورىن قالالاردىڭ بارلىق اۆتوموبيل جولدارى مەن كوشەلەرىندەگى ۋچاسكەلەردىڭ تاپسىرىس بەرۋشىلەرى، مەردىگەرلەرى جانە تەحنيكالىق قاداعالاۋىنان كەيىن ىرىكتەپ باقىلاۋ جۇرگىزەدى.
«جولداردىڭ ساپاسى مەردىگەرلەرگە عانا ەمەس، سونىمەن قاتار جولداردى قازىپ، سالدارىن دەرەۋ جويۋعا تۋرا كەلەتىن كوممۋنالدىق اپاتتارعا دا بايلانىستى. ءبىزدىڭ ەلدە جول سالۋشىلار كەڭەستىك قۇرىلىس نورمالارى مەن ەرەجەلەرى بويىنشا جۇمىس ىستەيدى دەگەن ستەرەوتيپ بار. بۇل جاي عانا ميف دەپ ايتا الامىن. وتكەن عاسىردىڭ 90-شى جىلدارىنىڭ سوڭىنان باستاپ، رەسپۋبليكالىق جەلىگە العاشقى قارىزدار الىنعان كەزدە، حالىقارالىق قارجى ۇيىمدارىنىڭ اۆتوموبيل جولدارىن كۇردەلى جوندەۋ بويىنشا رەكونسترۋكسيالاۋ جونىندەگى نورماتيۆتىك بازانىڭ الەمدىك ستاندارتتارعا سايكەس كەلۋى ءتيىس دەگەن تالاپتارى بولدى. ءبىز ەۋروپا مەن اقش-تاعى سياقتى جوبالايمىز. ارينە، ساپانى جاقسارتۋعا ۇمتىلۋ كەرەك، كەمەلدىكتىڭ شەگى جوق. ءاربىر سالانى، ونىڭ ىشىندە جول سالاسىن ۇكىمەت قانداي دا ءبىر دارەجەدە قولدايدى»، — دەپ قورىتىندىلادى ءسوزىن رومان سكليار.